Сатушының «ыстық бәліш» дегені есірткі болып шықты

Елорда кафелерінің бірінде «ыстық бәліш» құпия сөзімен жасырын гашиш сатылған деп хабарлады turkystan.kz Polisia.kz-ке сілтеме жасап. Арнайы операция нәтижесінде елорда аумағында аса ірі мөлшерде есірткі құралдарын өткізу арнасы жойылды. Есірткі сатқаны үшін үй тағамдары әзірленетін кафенің 52 жастағы иесі ұсталды. Ол өз мекемесінде «ыстық бәліш» деген кодпен есірткі затын сатқан. Әйел тұратын ғимарат пен кафені тінту кезінде сатуға дайындалған «гашиш» салынған 56 қағаз орамасы табылды. Сол жерден есірткі сатқаннан алынған 2,5 млн теңге сомасындағы ақша шықты. Нұр-Сұлтан қаласы ПД бастығының орынбасары Қуаныш Орынбетовтың айтуынша, тәркіленген есірткінің жалпы салмағы 1 килограмнан асады. Күдікті әйел өз кінәсін мойындап, ПД уақытша ұстау изоляторына қамалды. ҚР ҚК 297-бабы 3-бөлігі бойынша сотқа дейінгі тергеу амалдары жүріп жатыр.