Дүйсенбі, 28 Қараша, 2022

Түркістан облысының тұрғындары медициналық пойызда тегін тексеруден өте алады

2 қыркүйектен бастап «Медициналық пойыздар» жобасы Түркістан облысында. Пойыздың білікті қызметкерлері алдымен Шойтөбе станциясының тұрғындарын қабылдайды.

Заманауи медициналық техникамен жабдықталған «Жәрдем» консультативтік-диагностикалық пойызы Түркістан облысында бір ай бойы болып, 16 шалғай елді мекенге барады: 2-3 қыркүйек – Шойтөбе, 4-5 қыркүйек – Тимур, 6-7 қыркүйек – Талдықұдық, 8-9 қыркүйек – Шағыр, 10-11 қыркүйек – Монтайтас, 12-13 қыркүйек – Шанақ, 14-15 қыркүйек – Шеңгелді, 16-17 қыркүйек – Жылға, 18-19 қыркүйек – Дарбаза, 20-21 қыркүйек – Қалаш, 22-23 қыркүйек – Бадам, 24-25 қыркүйек – Игілік, 26-27 қыркүйек – Қызылсай, 28-29 қыркүйек – Ынтымақ, 30 қыркүйек-1 қазан – Сас-Төбе, 2-3 қазан – Көктерек. Бұл уақыт аралығында медициналық пойыз дәрігерлері өңірдің 10 000 тұрғынын қабылдайды деп жоспарланған.

Түркістан облысының тұрғындары медициналық пойызда тегін тексеруден өте алады

1 қыркүйек «Жәрдем» пойызы Қызылорда облысындағы жұмысын аяқтады. Мұнда 7 492 мың тұрғын алғашқы медициналық көмек пен консультация алды, олардың шамамен 37%-ы – бала.

«Ауылдардағы медициналық мекемелерде УДЗ жабдықтары мен тиісті мамандар жоқ. Сондықтан көбі тексеруден бізден өтуді қалайды. Консультация алуға келген кейбір пациенттерден өттегі тастар, асқазан-ішек жолдарының аурулары, гинекологиялық аурулар сияқты ауыр ауру түрлерін анықтадық. Онкологиялық асқынуы бар адамдар келген жағдайлар да болды», – деді УДЗ маманы Алтын Шайхина.

Дәрігерлер емдеуді қажет ететін барлық пациентті одан әрі бақылау үшін облыстық клиникаларға жібереді.

Түркістан облысының тұрғындары медициналық пойызда тегін тексеруден өте алады

Пойызда 18 қызметкер бар: терапевт, педиатр, кардиолог, невропатолог, көз, мұрын, құлақ дәрігері, гинеколог, хирург, уролог, маммолог, стоматолог, психолог және дерматовенеролог. Пойыз ультрадыбыстық кабинетпен, зертханамен, стоматологиялық және басқа да жабдықтармен қамтылған.

Түркістан облысының тұрғындары медициналық пойызда тегін тексеруден өте алады

Қызылорда өңірі бойынша барлығы 25 894 өтініш тіркелді. Көбіне тұрғындар невропатолог маманына жүгінген – 4 068 тұрғын. Қабылдау жиілігі бойынша екінші орында – хирург, үшінші орында – құлақ және мұрын дәрігері. Тіс дәрігері – 2 616 тұрғын, құлақ және мұрын дәрігері – 3 259 тұрғын, хирург – 3 263 тұрғын,  көз дәрігері – 2 921 тұрғын, психолог – 544, дерматовенеролог 632 тұрғынды қабылдады.

Түркістан облысының тұрғындары медициналық пойызда тегін тексеруден өте алады

Майтоғай станциясының 70 жастағы тұрғыны Амангүл Молжігітова медициналық пойыздың бірнеше маманынан тексеруден өтті.

«Мен бүгін көз, жүрек, бүйрек және бауырымды тексерттім. Дәрігерлер бәрі жақсы екенін айтты. Тек көз тамшыларын жазып берді. Медициналық пойыздың қызметкерлеріне қамқорлық танытып, кәсібилігі мен шыдамдылығы үшін алғыс айтқым келеді. Бұл жобаны ұйымдастырғандарға шалғай ауылдарда тұратындардың денсаулығына немқұрайлы қарамағандары үшін жеке рақмет», – деп алғысын білдірді Амангүл Молжігітова.

Естеріңізге сала кетейік, «Жәрдем» медициналық пойызы 23 мамырдан 6 қарашаға дейін 80 станцияға барады, онда шалғайдағы ауылдар мен темір жол разъездерінен 43 мыңнан астам пациент білікті медициналық көмекпен қамтылады. «Саламатты Қазақстан» пойызымен бірге медициналық қызметке мұқтаж шалғай станциялардың тұрғындарына алғашқы медициналық-санитарлық және консультативті-диагностикалық көмек көрсетеді. «Саламатты Қазақстан» медициналық пойызы Солтүстік Қазақстан облысының тұрғындарын қабылдап жатыр.

Түркістан облысының тұрғындары медициналық пойызда тегін тексеруден өте алады

«Медициналық пойыздар» жобасы алғаш рет 2010 жылы іске қосылды және 2019 жылға дейін жыл сайын жүзеге асырылды. Коронавирус пандемиясы кезінде үзіліс жасады. Осы кезең аралығында «Денсаулық», «Жәрдем» және «Саламатты Қазақстан» консультативті-диагностикалық үш пойыз Қазақстанның 1 700-ден астам шалғай өңіріне барып, 488 880 тұрғынды қарады.

Медициналық пойыздардың қозғалыс кестесі туралы нақты ақпаратты жобаның www.medpoezd.kz ресми сайтынан немесе 8 7172 60 45 94, 8 701 206 15 40 нөмірлері арқылы, сондай-ақ @medpoezd.kz Instagram парақшасынан біле аласыздар.

Жоба «Самұрық-Қазына» АҚ компаниялар тобының атынан Samruk-Kazyna Trust әлеуметтік жобаларды дамыту қорының қаржылық қолдауының арқасында мүмкін болды және ҚР Денсаулық сақтау министрлігінің қатысуымен, «Қазақстан Темір Жолы» ҰК АҚ жанындағы «Әлеуметтік жобалар қоры» корпоративтік қорымен бірлесіп іске асырылып жатыр.

 

Байқау айқын
Байқау айқын

Ұқсас жаңалықтар

Back to top button