JañalıqtarJahanQoğam

Türkiyada tüngi klubqa oq jaudırğan Özbekstan nemese Qırğızstan azamatı boluı mümkin

Klubqa Ayaz atanıñ kiimin kigen belgisiz eki adam köpşilikke şabuıl jasağan. Ğimaratta 800-ge juıq adam bolğan körinedi. Qayğılı oqiğa ornında 35 adam qaza tauıp, tağı 40 adam jaralanğan.

Alayda soñğı mälimet boyınşa, klubta 39 adam ajal qwşıp, 69-ı jaralanğandığı anıqtaldı. Marqwmdardıñ 16-sı – şeteldik. Atıs kezinde şoşınğan adamdardıñ keybireui Bosfor bwğazına sekirip ketken. Istambwl gubernatorı şabuıldı lañkestik äreket dep atadı. Bwğan deyin aqparat qwraldarı qasköydiñ közi joyıldı dep habarlağan. Alayda Türkiyanıñ işki ister ministri bwl aqpardı rastağan joq. Qazir küştik qwrılım ökilderi qaskünemdi izdestirip jatır.

Istambwldağı lañkestik oqiğada qaza tapqandardıñ sanı artıp jatır. Türkiya İşki ister ministri Süleyman Soylu qandı şabuıldan 39 adam ajal qwşıp, 69-ı jaraqat alğanı jöninde habarladı. Al küştik qwrılımdar lañkesti qwrıqtau boyınşa el işinde keñ auqımdı operaciya bastadı.
 Süleyman Soylu, TR İşki ister ministri:
– 39 adam qaza taptı. Qazirgi tañda 21 azamattıñ jeke basın anıqtadıq. Tağı 18-ine qatıstı anıqtau jwmıstarı jürgizilip jatır. Olardıñ 16-sı şetel azamattarı. Al 69 jaralı auruhanalarda medicinalıq kömek aluda. 4 kisiniñ jağdayı öte auır dep bağalanuda. Istambwldağı lañkestik äreket saldarınan zardap şekkender arasında Qazaqstan azamattarı joq. Bwl turalı elimizdiñ Sırtqı ister ministrligi habarladı. Qazir jergilikti diplomattar qosımşa aqparat alu maqsatında qwqıq qorğau organdarımen jwmıs jürgizip jatır. Atap ötu kerek, bıltır Türkiyada 28 iri terrorlıq akt tirkeldi. Al bügingi Istambwldıñ tüngi klubındağı qandı şabuıl 2017 jıldıñ alğaşqı lañkestik oqiğası bolıp otır. Jergilikti twrğındar, jaña jıl qayğılı oqiğamen bastalğanına ökiniş bildirip, qaza tapqan otbasılarğa köñil aytuda.
Djemil' Gyumuş, Istambwl qalasınıñ twrğını:

– 2017 jıldıñ alğaşqı sağatında Türkiyada kezekti terrorlıq oqiğa boldı. Ondağan adam qaza taptı, jaralılar da jeterlik. Negizi 2015 jıldan beri elimizde lañkestik şabuıldar kürt jiiledi. Qwddı bir barlıq terrorlıq wyımdar Türkiyağa jabılıp jatqanday äser qaldıradı. Älbette, bwl qayğılı oqiğalardan halıqtıñ jüregi şayılıp, boyların ürey bilep aldı. Bwl jaqsılıqtıñ nışanı emes. Küni keşe Istambwl municipaliteti Jaña jıl qarsañında qaladağı qoğamdıq orındar men sauda ortalıqtarında qauipsizdik şaraların küşeyetinin mälimdep, twrğındardı qwlağdar etken. Biraq qoğamdıq tärtip küşeygenine qaramastan qasköyler aylanıñ san täsilin paydalanıp, qoy terisin jamılğan qasqırlarday jañajıldıq keşke Santa Klaus bolıp kelip, beykünä jandardı jaypap saldı. Qazir älem elderi bwl jantürşigerlik şabuıldı qatañ ayıptap, qayğı jwtqan türik halqına köñil aytıp jatır.

Aldı ala mälimetter boyınşa tüngi klbuqa oq jaudırğan qasköy Özbekstan ne Qırğızstan azamatı boluı mümkin.

Back to top button