__باستى سلايدەرجاڭالىقتارقوعام

اقتوبەدە انالاردىڭ داعدارىس ورتالىعى اشىلدى

اقتوبە قالاسىندا داعدارىس ورتالىعى اشىلعانىن بەيسەنبى كۇنى جەرگىلىكتى بيلىك حابارلادى. 200 ادامعا ارنالعان ورتالىققا وتباسىندا ءجابىر كورگەن انالار مەن بالالاردى ورنالاستىرىلادى. داعدارىس ورتالىعىندا التى اي تۇرۋعا بولادى.

جوبانى جەكەمەنشىك «اق-رۋنو» كومپانياسى مەملەكەتتىڭ قولداۋىمەن جۇزەگە اسىردى. جەرگىلىكتى مەتسەنات اسقاربەك مامىرباەۆتىڭ ايتۋىنشا، كومەككە ءزارۋ ادامدار وسى جوبا ارقىلى پسيحولوگتاردىڭ، سوتسيولوگتاردىڭ جانە زاڭگەرلەردىڭ كەڭەسىن تەگىن الادى.

رەسمي مالىمەت بويىنشا، جىل سايىن اقتوبەدە شامامەن ءتورت مىڭعا جۋىق ايەل كۇيەۋىنەن زورلىق كورەدى.

اقتوبە وبلىستىق ىشكى ىستەر دەپارتامەنتىنىڭ ايەلدەردى قورعاۋ ءىسى جونىندەگى ينسپەكتورى مارينا نۇرىمجانوۆانىڭ ايتۋىنشا، تاۋلىگىنە ايەلدەردەن وتباسىنداعى زورلىققا قاتىستى ءتورت-بەس شاعىم تۇسەدى.

Back to top button