Іле-Алатауы шатқалында қазақ шекарашыларына оқ атылды

24 тамыз күні кешке Іле-Алатау жотасының тау шатқалдарының бірінде Алматы облысы бойынша ҰҚК Шекара қызметі департаментінің шекарашылары мемлекеттік шекараны бұзған шетел азаматын ұстады деп хабарлады turkystan.kz ҰҚК баспасөз қызметіне сілтеме жасап. «Тәртіп бұзушы шекара жасағының ескертуін елемей, әскери қызметкерлерге аңшылық мылтықтан оқ жаудырған. Ол оқиға орнынан жасырынуға тырысты», - делінген ҚР ҰҚК баспасөз қызметі таратқан хабарламада. Ведомство өкілдерінің айтуынша, ұсталған азаматқа қатысты қылмыстық іс қозғалды. Шекарашылардың өмірі мен денсаулығына зиян келмеген, қазір олар шекараның тау-кен учаскесін қорғау жұмыстарын жалғастырып жатыр.