Қазақстанның Қытайдағы Елшісі Шахрат Нұрышев ҚХР Коммерция министрінің орынбасары – Халықаралық сауда бойынша келіссөздеріндегі Қытайдың өкілі (министр деңгейінде) Ван Шоувэньмен кездесу өткізді деп хабарлады turkystan.kz.
ҚР Сыртқы істер министрлігі баспасөз қызметінің хабарлауынша, іс-шара барысында тараптар Қазақстан мен Қытай арасындағы сауда-экономикалық, инвестициялық және өңіраралық ынтымақтастықтың жағдайы мен даму перспективаларын талқылады.
Атап айтқанда, сұхбаттастар аталған салаларда ынтымақтастықтың жаңа көзқарастарын қалыптастыру маңыздылығын атап өтті.
Екіжақты ынтымақтастыққа қосымша «серпін» беру және қолайлы жағдайлар жасау мақсатында шарттық-құқықтық базаны жетілдіру тақырыбына ерекше назар аударылды.
Ш.Нұрышев сұхбаттасушының назарын электрондық коммерцияны қоса алғанда, екіжақты сауда көлемін арттыру бойынша тұрақты ынталандыру шараларын қабылдау қажеттігіне аударды. Осы тұрғыда қазақстандық дипломат 2026 жылға дейінгі сауда-экономикалық ынтымақтастық бағдарламасын келісуді жеделдету, сондай-ақ сауда, инвестициялар және өңіраралық өзара іс-қимыл салаларындағы жұмыс тетіктерін жандандыруды ұсынды.
Елші қазақстандық тараптың Қытайға отандық мал шаруашылығы мен ауыл шаруашылығы өнімдерін жеткізу номенклатурасын кеңейтуге дайын екенін мәлімдеді.
Сонымен қатар, Елші Қазақстан-Қытай шекарасындағы өткізу бекеттерінің тиімді жұмыс істеуі және «Қорғас» Шекара маңы ынтымақтастығы халықаралық орталығының қызметін қайта жандандыру екіжақты сауда үшін маңызды екенін ерекше атап өтті.
Өз кезегінде Ван Шоувэнь қытайлық тараптың ҚР - ҚХР арасындағы мәңгілік жан-жақты стратегиялық әріптестікті одан әрі нығайту мақсатында екі ел арасындағы сауда және инвестициялар саласындағы өзара іс-қимылды жандандыруға дайындығын білдірді. ҚХР Коммерция министрінің орынбасары қазақстандық тарап ұсынған екіжақты тауар айналымының өсуін ынталандыру және сауда-экономикалық ынтымақтастық тетіктерін жетілдіру жөніндегі шараларды қолдады.
Тараптар ДСҰ, ШЫҰ, АӨСШК және «Орталық Азия - Қытай» форматы сияқты көпжақты бірлестіктер шеңберінде тығыз өзара іс-қимыл жасауға келісті.
Кездесу қорытындысы бойынша тараптар келіссөздер барысында қол жеткізілген уағдаластықтарды іске асыру мақсатында Қазақстанның Қытайдағы Елшілігі мен ҚХР Коммерция министрлігі арасындағы тығыз әрекеттестікті жалғастыруға келісті.
Елші қазақстандық тараптың Қытайға отандық мал шаруашылығы мен ауыл шаруашылығы өнімдерін жеткізу номенклатурасын кеңейтуге дайын екенін мәлімдеді.
Сонымен қатар, Елші Қазақстан-Қытай шекарасындағы өткізу бекеттерінің тиімді жұмыс істеуі және «Қорғас» Шекара маңы ынтымақтастығы халықаралық орталығының қызметін қайта жандандыру екіжақты сауда үшін маңызды екенін ерекше атап өтті.
Өз кезегінде Ван Шоувэнь қытайлық тараптың ҚР - ҚХР арасындағы мәңгілік жан-жақты стратегиялық әріптестікті одан әрі нығайту мақсатында екі ел арасындағы сауда және инвестициялар саласындағы өзара іс-қимылды жандандыруға дайындығын білдірді. ҚХР Коммерция министрінің орынбасары қазақстандық тарап ұсынған екіжақты тауар айналымының өсуін ынталандыру және сауда-экономикалық ынтымақтастық тетіктерін жетілдіру жөніндегі шараларды қолдады.
Тараптар ДСҰ, ШЫҰ, АӨСШК және «Орталық Азия - Қытай» форматы сияқты көпжақты бірлестіктер шеңберінде тығыз өзара іс-қимыл жасауға келісті.
Кездесу қорытындысы бойынша тараптар келіссөздер барысында қол жеткізілген уағдаластықтарды іске асыру мақсатында Қазақстанның Қытайдағы Елшілігі мен ҚХР Коммерция министрлігі арасындағы тығыз әрекеттестікті жалғастыруға келісті.