Алжирдегі орман өрті кезінде 26 адам қаза тапты

Алжирдің солтүстік-шығысындағы Эль-Тарф және Сетиф қалаларында жалғасып жатқан орман өрттері салдарынан 26 адам қаза тапты деп хабарлады turkystan.kz. Алжир Ішкі істер министрі Камал Белджуд мемлекеттік телеарнада Туниспен шекаралас Эль-Тарф қаласында 24 адам, Сетиф қаласында тағы екі адам қаза тапқанын айтты. Ішкі істер министрлігінің басшысы соңғы күндері елдегі ауа температурасының 47 градустан асқанын атап өтті. Оның айтуынша, тамыз айының басынан бері Алжирдің көптеген қаласында 106 орман өрті тіркелген. Орман өрттері 2400 гектар аймақты шарпыған. Жергілікті ақпарат құралдары Сук Ахрас қаласындағы елді мекендерден 350-ден астам адамның эвакуацияланғанын хабарлады.