Ақтөбе облысындағы жол апатынан 4 адам қаза тапты

Ақтөбе облысында жантүршігерлік жол апатынан төрт адам қаза тапты деп хабарлады turksystan.kz Polisia.kz сайтына сілтеме жасап.  14 тамыз күні сағат 16:55-те “Покровка – Жаңажол” автожолының 75-ші шақырымында жол-көлік оқиғасы болды. Темір ауданы “Покровка – Жаңажол” тас жолының 75-ші шақырымында Темір қаласынан Кеңқияқ ауылы бағытында келе жатқан ВАЗ 2113 автокөлігінің 26 жастағы жүргізушісі қарсы қозғалысқа арналған жолаққа шығып кетіп, Мұғалжар ауданының 50 жастағы тұрғынының басқаруындағы КамАЗ көлігімен соқтығысқан. Жол-көлік оқиғасы салдарынан ВАЗ 2113 автокөлігінің жүргізушісі мен үш жолаушы алған жарақатынан оқиға орнында көз жұмды. Сонымен қатар жеңіл автокөліктің тағы бір жолаушысы түрлі жарақаттармен Кеңқияқ ауылының ауруханасына жатқызылды. Аталған факті бойынша ҚР ҚК-нің 345-бабы 4-бөлігі бойынша сотқа дейінгі тергеу басталды.