«Жауынгер А.Н.Шахимов өзінің қаруластарын құтқару барысында жанқиярлық танытып, мерт болды. Марқұмның денесі Алматыдан Көкшетауға әскери бортпен жіберілетін болады. Жауынгердің ата-анасына заңнамаға сәйкес, 500 АЕК (1 531 500 теңге) және 80 АЕК (245 040 теңге) материалдық көмек көрсетіледі. Сондай-ақ Алмас Шахимов марапатқа ұсынылады», - деп жазылған хабарламада.
Әріптестерін құтқарамын деп көз жұмған сарбаз марапатқа ұсынылды
Әріптестерін құтқарамын деп көз жұмған сарбаз марапатқа ұсынылды
Дауылда әріптестерін құтқарып жүріп көз жұмған Ұлттық ұланның жауынгері Алмас Шахимов марапатқа ұсынылды. Бұл туралы Ұлттық ұланның баспасөз қызметі мәлімдеді деп хабарлады turkystan.kz.
Қайғылы оқиға кеше Алматы облысындағы 5571 әскери бөлімінде болған еді. 1-жедел мақсаттағы батальонның жеке құрамы далалық жаттығуда жүргенде дауыл көтеріліп, сарбаздар орналасқан шатыр бұзылған.
Осы уақытта қатардағы жауынгер А.Шахимов әріптестерінің қауіпсіз орынға шығуына көмектесіп жүріп, басына шатырдың темір жақтауы тиіп, жарақат алды. Оған дереу алғашқы медициналық көмек көрсетілген. Дегенмен оны ажалдан аман алып қалу мүмкін болмады.