Сейсенбі, 27 Қыркүйек, 2022

Мемлекеттік грант иегерлерінің тізімі жарияланды

Қазақстан Ғылым және жоғары білім министрлігі грант иегерлеріне арналған байқаудың қорытындысын жариялады деп хабарлады turkystan.kz. 

Биыл 154 мың талапкер ҰБТ тапсырып, 103 мыңнан аса адам шекті балл жинаған. Бұл – қатысушылардың 67 пайызы. Өткен жылмен салыстырғанда, аталған көрсеткіш 7 пайызға жоғары. Орташа балл – 66.

Биыл 80 мыңға жуық талапкер білім грантына қатысу үшін өтінім берді. Құжаттар 13-22 шілде аралығында қабылданды. Үміткерлер арасында балл тең түскен жағдайда 20 мыңнан аса талапкер басымдыққа ие болады. Олар – «Алтын белгі» иегерлері, халықаралық және республикалық олимпиада жеңімпаздары және оқу озаттары.

Сонымен қатар халықтың әлеуметтік жағдайы төмен бөлігіне арналған грант көлемі де көбейді. Кәмелетке толмаған төрт немесе одан да көп бала тәрбиелеп отырған отбасыларға гранттың жалпы көлемінен 5 пайыз, толық емес отбасыдан шыққан отбасыларға 1 пайыз, І, ІІ топ мүгедектерін тәрбиелеп отырған отбасыдан шыққан балаларға 1 пайыз көлемінде грант бөлінді.

Мемлекеттік білім грантына ие болғандар тізімін мына сілтемеден көре аласыз. 

Back to top button