«Оралдың үш оғланы» оқырмандармен жүздесті

«Оралдың үш оғланы» оқырмандармен жүздесті

Алматыдағы әдеби орта «Оралдың үш оғланы» деп мойындаған ақындар Қадыр орталығында оқырмандармен жүздесіп, жыр жинақтарының тұсаукесер рәсімін өткізді деп хабарлады turkystan.kz. Іс-шараны Қадыр Мырза Әлі атындағы облыстық мәдениет және өнер орталығы ұйымдастырды. «Аңсаттың Жайық...» атты кештің иелері – Шерхан Талап, Асылан Тілеген және Айбол Исламғали. Үш ақын да сонау Алматыда, ҚазҰУ шаһарында білім алып, 17-жатақханада студенттік шағын бірге өткізген. Әрмен қарай Қадыр орталығы директорының орынбасары Сәуия Темірова сөз сөйлеп, БҚО Мәдениет басқармасы басшысы Сайран Дүйсеновтің Алғыс хатын үш ақынға табыстады. Кеште «BatysStar» және «Гранд меn» тобы, Сиғватулла Ешкаев, Әділ Ахметовтер ән айтып, Берік Шаймарданов күй шертіп, көрерменнің ыстық ықыласына бөленді.