__Bastı slayderJañalıqtarQoğam

Almatı oblısında käsipker joğalıp ketti

Almatı oblısında jeltoqsan ayınıñ basında qwpiya jağdayda joğalıp ketken käsipkerdi izdestirude. Qapşağaydağı üyinde twraqqa qoyılğan Valeriy Harlanovtıñ avtoköliginde qannıñ izderi tabılğan. Tuıstarı er kisini wrlauı mümkin deydi. Osı uaqıt aralığında birde-bir tuısımen habarlaspağan.

Eşkim qarjı talap etpedi, dep habarlaydı KTK. 39 jastağı Valeriy Harlanovtı tuıstarı täulik boyı üzdiksiz izdestirude. Soñğı ret onı Qapşağay qalasınıñ sırtındağı şağın dükende keşqwrım körgen. Valeriydiñ üyinde eski köligi aşıq qalğan. Dostarı maşinanı jaqında ğana Almatığa aydap alıp keldi. Jaqındarınıñ aytuınşa, köliktiñ salonında qannıñ jäne bireudiñ sausaq izderi tabılğan. Biraq onıñ kimge tiesili ekendigi äzirge belgisiz. Avtokölikten maşina bazarındağı konteynerdiñ kilti men qwjattar joğalğan.  – Men onıñ üyine kirgende, töbelestiñ nemese şaşılğan zattardıñ belgilerin körmedim. Bir adamnıñ jalğız ömir sürgeni ğana körindi. Barlığı öz qalpında twrdı – qasıqtar, staqandar men ittiñ tamağı, – dep aytadı Aleksandr Boçarov. Valeriy Harlanov soñğı jıldarı Almatınıñ mañında twrğan. Avtobölşekter satumen aynalısqan. Jwbayımen birneşe jıl bwrın ajırasqan, alayda qızımen qarım-qatınasın üzbegen. Birinşi bolıp policiyağa qızı habarlasqan. Kristinanıñ aytuınşa, äkesiniñ iz-tüzsiz joğaluına birge twratın äyeldiñ qatısı bar.

 

Back to top button