Жұма, 30 Қыркүйек, 2022

Елімізде төрт жоғары оқу орны оқытушыларының еңбекақысы өсті

Мәдениет және өнер саласындағы бірқатар жоғары оқу орны оқытушыларының еңбекақысы өсті. Осыған байланысты Үкімет тиісті қаулы қабылдады деп хабарлады turkystan.kz  Премьер-министрдің ресми сайтына сілтеме жасап.

«2025 жылға дейінгі Халықтың табысын арттыру жөніндегі кешенді жоспарды іске асыру шеңберінде ұйымдық-құқықтық нысанына қарамастан, ерекше мәртебесі бар мәдениет және өнер саласындағы жоғары және (немесе) жоғары оқу орнынан кейінгі білім беру ұйымдары профессор-оқытушылар құрамының лауазымдық еңбекақыларының белгіленген мөлшеріне арттыру коэффициентін ұлғайту (1,75-тен 3,5-ке дейін) көзделген. Қаулы 2022 жылғы 1 қаңтардан бастап қалыптасқан қатынастарға қатысты қолданылады, сондықтан осы жылдың өткен айларының еңбекақысы бойынша қайта есептеу жүргізілетін болады», – деп жазылған ресми хабарламада.

Қаулы төрт жоғары оқу орнына қатысты: Т.Жүргенов атындағы Қазақ ұлттық өнер академиясы, Құрманғазы атындағы Қазақ ұлттық консерваториясы, Қазақ ұлттық өнер университеті және Қазақ ұлттық хореография академиясы.

Ұқсас жаңалықтар

Back to top button