Шахмат олимпиадасы: аруларымыз үздіктер қатарында

Үндістанда өтіп жатқан шахматтан Дүниежүзілік олимпиадада Қазақстанның әйелдер құрамасы үздік 6 құраманың қатарына енді деп хабарлады turkystan.kz. Кеше қазақстандық қыздар Словакия құрамасын 3,5:0,5 есебімен жеңген болатын. Жансая Әбдімәлік, Бибісара Асаубаева және Гүлісхан Нахбаева жеңіске жетсе, Ксения Балабаева қарсыласымен тең ойнады. Бұл – арулардың алтыншы жеңісі. Ал ерлер құрамасы Әзербайжаннан жеңіліп, 7-орыннан 12-орынға сырғыды.