كۋرچاتوۆ قالاسىندا عىلىمي ۋنيۆەرسيتەت اشىلادى

كۋرچاتوۆ قالاسىندا عىلىمي ۋنيۆەرسيتەت اشىلادى. بۇل تۋرالى بۇگىن اباي وبلىسىنىڭ اكىمى نۇرلان ۇرانحاەۆ كۋرچاتوۆ قالاسىنا بارعان جۇمىس ساپارىندا حالىقپەن كەزدەسۋ كەزىندە مالىمدەدى.

ءوڭىر باسشىسى حالىقتى تولعاندىرعان سۇراقتارعا دا جاۋاپ بەردى. اتاپ ايتقاندا، قالا تۇرعىندارى جەو سالۋ، جولداردى اباتتاندىرۋ جانە كۋرچاتوۆقا عىلىم قالاسى مارتەبەسىن بەرۋ ماسەلەلەرىن قوزعادى.

كۋرچاتوۆ قالاسىندا عىلىمي ۋنيۆەرسيتەت اشىلادى

«مەن جاعدايدى جاقسى بىلەمىن. جەو قۇرىلىسى جوسپاردا بار. جىلۋمەن قامتۋ ماسەلەسى وتكىر تۇر، جاعداي تۇسىنىكتى، ءبىز وسى باعىتتا جۇمىس ىستەپ جاتىرمىز. جىلۋسىز  قالدىرمايمىز. سونداي-اق، اەس سالۋ ماسەلەسى دە شەشىلىپ جاتىر. مەملەكەت باسشىسىمەن كەزدەسۋدە كۋرچاتوۆقا عىلىم قالاشىعى مارتەبەسىن بەرۋ تۋرالى ماسەلەنى كوتەردىم. سونداي-اق مۇندا ۋنيۆەرسيتەت اشىلادى. مەن قالانىڭ ودان دا جاقسى بولعانىن قالايمىن. وزگەرىستەردى كورىپ وتىرمىن. شىن مانىندە، وتە جاقسى جانە ادەمى قالا، جاسىل، عيماراتتار مەن بۇكىل ينفراقۇرىلىمدى قالپىنا كەلتىرۋ كەرەك. وسى ماسەلەمەن اينالىسامىز»، – دەدى وبلىس اكىمى.

ءوڭىر باسشىسى كۋرچاتوۆ قالاسىن عىلىمي قالاعا اينالدىرۋ كەرەگىن دە تىلگە تيەك ەتتى. كەلەشەكتە ارنايى عىلىمي توپ قۇرىلىپ، ۋنيۆەرسيتەتتىڭ باعدارى تۋرالى كەلىسسوز وتكىزەتىن بولادى.

Back to top button