بالانى مەكتەپكە دايىنداۋعا قانشا قاراجات كەرەك؟

تامىز ايىندا بالالاردى جاڭا وقۋ جىلىنا دايىنداۋ جۇمىسى باستالدى. بيىل ازىق-ت ۇلىك قانا ەمەس، وقۋ قۇرالدارى مەن مەكتەپ فورماسىنىڭ دا باعاسى وسكەن. ماسەلەن، ءبىر جىل ىشىندە كەڭسە تاۋارلارى 9،9 پايىزعا قىمباتتادى. وسىنى ەسكەرسەك، بالانى مەكتەپكە دايىنداۋعا از شىعىن كەتپەيدى دەپ حابارلادى turkystan.kz.

قوعامدىق ساياسات ينستيتۋتى مەكتەپ وقۋشىلارىنا قاجەتتى زاتتار جيىنتىعىنىڭ مينيمالدى قۇنىن ەسەپتەپ، زەرتتەۋ جاسادى.  وسىعان سايكەس 2022 جىلى كەڭسە تاۋارلارى جيىنتىعىنىڭ ەڭ ارزانى 13 885 تەڭگە تۇرادى. جيىنتىققا 22 زات كىرەدى. ەڭ قىمباتى – سومكە (6 800 تەڭگەدەن باستالادى). ال جەلىم، قالام 50 تەڭگەدەن.

مەكتەپ فورماسى مەن سپورتتىق كيىمنىڭ قۇنى ورتاشا ەسەپپەن – 69 980 تەڭگە. ال قىزدارعا ارنالعان مەكتەپ كيىمدەرى قىمبات، 71 980 تەڭگەدەن باستالادى. جالپى، 2022 جىلى وقۋشىنى جاڭا وقۋ جىلىنا دايىنداۋ ءۇشىن ەڭ ازى 83 865 تەڭگە قاجەت.

ايتا كەتۋ كەرەك، قازاقستاندا ءتورت جانە ودان دا كوپ بالا تاربيەلەپ وتىرعان 487،6 مىڭعا جۋىق كوپبالالى وتباسى بار. وتباسىنداعى ءاربىر بالاعا بەرىلەتىن جاردەماقى مولشەرى ايىنا –12 252 تەڭگە. قازىر ءبىلىم ساپاسى، وقۋ اقىسىنىڭ قىمباتتاۋى ەڭ وزەكتى ماسەلەگە اينالدى. زەرتتەۋ ناتيجەلەرىنە سايكەس، ءاربىر ەكىنشى رەسپوندەنت ءبىلىم ساپاسى مەن وقۋ اقىسىنا الاڭدايتىنى بەلگىلى بولدى.

بالانى مەكتەپكە دايىنداۋعا قانشا قاراجات كەرەك؟

وقۋ اقىسى 10،3 پايىزعا قىمباتتاعان. ونىڭ ىشىندە مەكتەپكە دەيىنگى جانە باستاۋىش ءبىلىم بەرۋ 5،8 پايىزعا، ورتا ءبىلىم 6،8 پايىزعا، كاسىپتىك ورتا ءبىلىم 10،6 پايىزعا، جوعارى ءبىلىم 16،4 پايىزعا، ەرەسەكتەرگە ارنالعان ءبىلىم 10،4 پايىزعا ءوستى.

ەسكەرەتىن جايت، زەرتتەۋ ABDI ونلاين دۇكەندەرىندەگى باعا بويىنشا جۇرگىزىلگەن.

كيىم-كەشەكتى Glasman دۇكەنىنەن ونلاين تاپسىرىسپەن وسى باعامەن الۋعا بولادى. الايدا مۇندا تەك مەكتەپ فورماسى ەسەپكە الىنعانىن ەسكەرىڭىز.

زەرتتەۋ بيىل شىلدە ايىندا جۇرگىزىلدى. ساۋالناماعا 8 000 ادام قاتىسقان.

ۇقساس جاڭالىقتار

Back to top button