Президент Каспий жағалауын велосипедпен аралады

Еңбек демалысында жүрген Түркіменстан президенті Сердар Бердімұхамедов ұлы Керімғұлымен бірге Каспий теңізінің жағалау аймағында велосеруен құрды деп хабарлады turkystan.kz. Түркіменстанның Мемлекет басшысы ұлымен бірге «Аваза» спорт кешенінде болып, тренажерларда жаттығулар жасаған. Ол үнемі Түркіменстанда спорт, денсаулық және экологияны қатар байланыстыратын ауқымды жобаларға ерекше назар аударады. «Аваза» курорттық аймағы - осындай жобалардың бірі. Мұнда жоғары санатты қонақүйлер, шипажайлар мен спорт кешендері салынып, пайдалануға берілген.