«AMANAT»-تىڭ مونيتورينگ توپتارى: باعا ءوسىمى جالعاسىپ جاتىر

«AMANAT» پارتياسى جانىنداعى الەۋمەتتىك ماڭىزى بار ازىق-ت ۇلىك باعاسىنا مونيتورينگ جۇرگىزىپ جاتقان قوعامدىق توپتاردىڭ جۇمىسى بەلسەندى جالعاسۋدا. اتاپ ايتقاندا، وسى اپتادا پارتيا مۇشەلەرى اتىراۋ مەن قىزىلورداداعى ساۋدا نىساندارىن تەكسەردى دەپ حابارلادى turkystan.kz.

اتىراۋ وبلىسىندا پارتيا مۇشەلەرى قىرىققابات 67%-عا نەمەسە 187 تەڭگەگە، ءسابىز 38،1%-عا نەمەسە 268 تەڭگەگە، كۇرىش 40،6%-عا نەمەسە 412 تەڭگەگە قىمباتتاعانىن تىركەدى. بۇل رەتتە، ءبىرىنشى سۇرىپتى بيداي ۇنى 15،7%-عا ارزانداپ، ءبىر كيلوگرامم ءۇشىن 188 تەڭگەگە قولجەتىمدى بولا باستادى. نان 21،8%-عا ارزانداپ، ءبىر بولكەسى 147 تەڭگەنى قۇراپ وتىر.

«باعا اركىم ءۇشىن ءار ءتۇرلى. مىسالى، ماعان ءبىر باعانى، كەلەسى تۇتىنۋشىعا باسقا باعانى ايتادى. سوعان قاراماستان، ادامدار ساتىپ الۋعا ءماجبۇر. سەبەبى باسقا امالى جوق. نەلىكتەن جاز مەزگىلىندە كوكونىستەر سونشالىقتى قىمبات؟ جاعا ۇستاتارلىق جاعداي»، – دەيدى زەينەتكەر گۇلجان دوسوۆا.

تاعى ءبىر ماڭىزدى ماسەلە – تاۋار باعاسىنىڭ جازىلىپ تۇرماۋى. مونيتورينگ توبىنىڭ مۇشەلەرى ساۋداگەرلەرگە وسىنى ەسكەرتتى.

«وتكەن اپتاداعى تەكسەرۋ كەزىندە كۇرىش باعاسى 310 تەڭگە ەدى. وسى اپتادا ونىڭ باعاسى 400 تەڭگەدەن استى. ال كارتوپ باعاسى 224 تەڭگەدەن 190 تەڭگەگە دەيىن ارزاندادى. ساتۋشىلارعا ۇستەمە باعا 15%-دان اسپاۋى كەرەك دەگەن ەسكەرتۋ جاساساق، بىزگە سولاي ايتىلعان دەپ جاۋاپ بەرەدى. ال باعانى كىم بەلگىلەيتىنىن ايتپايدى. باعا ءار جەردە ءار ءتۇرلى»، – دەيدى مونيتورينگ توبىنىڭ مۇشەسى ساكەن وسكەنباەۆ.

قىزىلوردا وبلىسىندا پياز باعاسى ءبىر كيلوگرامم ءۇشىن 27،3%-عا نەمەسە 243 تەڭگەگە، ال قاراقۇمىق جارماسىنىڭ باعاسى ءبىر كيلوگرامم ءۇشىن 12،5%-عا نەمەسە 565 تەڭگەگە دەيىن ءوستى. سوعان قاراماستان، سۇزبە باعاسى ءبىر كيلوگرامم ءۇشىن 44،6%-عا نەمەسە 961 تەڭگەگە دەيىن تومەندەدى. نان بىردەن 54%-عا ارزانداپ، ءبىر بولكەسى 86 تەڭگەنى قۇراپ وتىر.

«اپتاسىنا ەكى رەت ءىرى ساۋدا ورتالىقتارىن ارالاپ، سونىڭ ناتيجەسىندە ازىق-ت ۇلىك باعاسىنىڭ تومەندەگەنىن بايقادىق. ءبىر اپتادا نان باعاسى تومەندەدى. بارلىق مالىمەتتى تالداپ، سارالاپ، ساۋدا كاسىپورىندارىنىڭ باسشىلارىنا جانە جەتكىزىپ بەرۋشى ۇيىمدارعا ۇسىنىستار جولداپ جاتىرمىز»، – دەدى مونيتورينگ توبىنىڭ مۇشەسى مەيرامبەك ەسجانوۆ.

قىزىلوردا قالاسىنىڭ تۇرعىندارى دا باعا وسىمىنە نازار اۋدارىپ جاتىر. الايدا ولار «AMANAT» پارتياسى جانىنداعى مونيتورينگ جۇرگىزەتىن توپتاردىڭ قىزمەتى باعانى تومەندەتۋگە وڭ اسەرىن تيگىزىپ جاتىر دەپ ەسەپتەيدى.

«مونيتورينگ توپتارىنىڭ جۇمىسى باعانى ۇستاپ تۇرۋعا كومەكتەسەدى. ولاردى بازارلاردا جانە دۇكەندەردە ءجيى كورەمىن. مۇمكىن، سوندىقتان دا ساتۋشىلار ءار ءتۇرلى جەڭىلدىك اكتسيالارىن ءجيى وتكىزە باستاعان شىعار»، – دەيدى جەرگىلىكتى تۇرعىن اقمارال جانداۋلەتوۆا.

ەستەرىڭىزگە سالا كەتەيىك، وتكەن اپتادا ەلىمىزدىڭ بارلىق وبلىسى مەن اۋدانىندا مونيتورينگ جانە قاداعالاۋ جۇرگىزەتىن 216 پارتيالىق توپ جۇمىسقا كىرىستى. مونيتورينگ توپتارى كۇن سايىن جۇمىس ىستەيدى. ايماقتارداعى الەۋمەتتىك ماڭىزى بار ازىق-ت ۇلىك باعاسىنىڭ وزگەرگەنىنە قاتىستى مالىمەتتىڭ ءمان-جايى پارتيالىق باقىلاۋ كوميسسياسىنىڭ وتىرىسىندا قارالادى. وزگەرىس انىقتالعان جاعدايدا ماسەلەنى شەشۋ ءۇشىن ۇسىنىمدار ازىرلەنىپ، ناقتى مەرزىمى مەن جاۋاپتى تۇلعالار بەلگىلەنەدى.

ۇقساس جاڭالىقتار

Back to top button