«قۇرعاق جوتەل، تاماقتىڭ جىبىرلاۋى»: دارىگەر اللەرگيا مەن كوروناۆيرۋستىڭ ورتاق سيمپتومدارىن اتادى

كوروناۆيرۋستىڭ سيمپتومدارىن ماۋسىمدىق اللەرگيادان اجىراتۋ قيىن بولۋى مۇمكىن. ونىڭ ورتاق بەلگىلەرىن تاجىريبەلى دارىگەرلەر بىلەدى دەپ حابارلادى  turkystan.kz  Zakon.kz-كە سىلتەمە جاساپ.

الماتىداعى №1 قالالىق كلينيكالىق اۋرۋحانانىڭ اللەرگولوگ-دارىگەرى ايگەرىم كۋلۋشەۆا اۋىرسىنۋ باستالعاندا تۇماۋ، كوروناۆيرۋس، جەدەل رەسپيراتورلىق ينفەكتسيالار، ماۋسىمدىق اللەرگيالار ۇقساس بولاتىنىن ايتتى.

العاشقى بەلگىلەرى:

مۇرىننان سۋ اعۋ،

تەمپەراتۋرانىڭ كوتەرىلۋى،

تاماق اۋرۋى، جىبىرلاۋى،

قۇرعاق جوتەل،

جالپى مازاسىزدىق.

«كوروناۆيرۋستى ماۋسىمدىق اللەرگيادان ايىرۋ قيىن بولۋى مۇمكىن. ويتكەنى اللەرگيالىق رەاكتسيادا مۇرىن بىتەلۋى، مۇرىن جولدارىنىڭ ءىسىنۋى، جوتەل جانە كوزدىڭ جاساۋراۋى بولۋى مۇمكىن. كوروناۆيرۋس تا كەز كەلگەن جرۆي سيمپتومدارى سياقتى ۇقساس بەلگىلەرمەن باستالۋى مۇمكىن. اللەرگيالىق رەاكتسيانىڭ نەگىزگى سيمپتومى – مۇرىن مەن كوزدىڭ قىشۋى. بۇل رەتتە اللەرگيامەن اۋىراتىنداردىڭ دەنە تەمپەراتۋراسى 37،5 گرادۋستان جوعارى كوتەرىلمەيدى. ورتاشا كوۆيدتە تەمپەراتۋرا 37،5-تەن جوعارى كوتەرىلەدى، ال بۇل اللەرگياعا ءتان ەمەس»، – دەدى الماتى قالاسىنىڭ №1 قالالىق كلينيكالىق اۋرۋحاناسىنىڭ اللەرگولوگى ايگەرىم كۋلۋشەۆا.

دارىگەر كەز كەلگەن كۇدىكتى بەلگىلەر بولعان كەزدە اۋرۋدى انىقتاۋ ءۇشىن پتر تەستىن تاپسىرۋعا كەڭەس بەردى.

«ەگەر بىرقاتار بەلگىلەر وسى جىلى عانا پايدا بولسا جانە بۇل بۇرىن-سوڭدى بولماعان بولسا، كەم دەگەندە، ەكى رەت سىناقتان ءوتىپ، كوۆيد جوق ەكەنىنە كوز جەتكىزىپ، سودان كەيىن اللەرگيالىق رەاكتسيانىڭ نە ەكەنىن انىقتاۋ ءۇشىن اللەرگولوگپەن بايلانىسۋ كەرەك. ماۋسىمدىق اللەرگيادا مۇرىننىڭ قىشۋى، كوزدىڭ قىزارۋى، سونىمەن قاتار مۇرىننان سۋ اعۋ بەلگىلەرى بولادى. اللەرگياعا ءتان بەلگى – كوۆيد كەزىندە بولمايتىن تۇشكىرۋ، مۇرىننان سۋ اعۋ نەمەسە مۇرىن بىتەلۋى. اللەرگيا كەزىندە دەرەۋ قۇرعاق جوتەل باستالادى. ال اللەرگياعا ءتان ەمەس تەمپەراتۋرا اناليز تاپسىرۋعا سەبەپ بولادى»، – دەدى دارىگەر.

 

ۇقساس جاڭالىقتار

Back to top button