وسكەمەندە ەكى مۇعالىم كامەلەتكە تولماعان قىزبەن جىنىستىق قاتىناسقا تۇسپەك بولدى

وسكەمەن قالاسىنداعى مەكتەپتە كامەلەتكە تولماعان قىزبەن جىنىستىق قاتىناسقا تۇسپەك بولعان ەكى مۇعالىم جۇمىستان قۋىلدى دەپ حابارلادى turkystan.kz قازاقپاراتقا سىلتەمە جاساپ.

الەۋمەتتىك جەلىلەردە قالاداعى №30 مەكتەپ اۋماعىندا ەكى ەر ادامنىڭ كامەلەتكە تولماعان قىزبەن جىنىستىق قاتىناسقا تۇسپەك بولعان ۆيدەوسى تارادى. ولار سول ءبىلىم ورداسىنىڭ قىزمەتكەرى بولىپ شىقتى. ەكەۋى دە ماس كۇيدە بولعان. ال ءجاسوسپىرىم قىزدىڭ كىم ەكەنى ازىرگە بەلگىسىز.

«ەكى مۇعالىم مەن مەكتەپ كۇزەتشىسى قىزمەتىنەن بوساتىلدى. بەينەباقىلاۋ كامەراسىنىڭ جازباسىنان زورلىق-زومبىلىق فاكتىلەرى بايقالماعان. ەندى قالا مەكتەپتەرىندەگى باقىلاۋدى كۇشەيتەمىز»، – دەدى وسكەمەن قالالىق ءبىلىم ءبولىمىنىڭ باسشىسى ساۋلە الاگوزوۆا.

شقو پوليتسيا دەپارتامەنتىنىڭ مالىمەتىنشە، ولار جىنىستىق قاتىناسقا ءتۇسىپ ۇلگەرمەگەن. قولدانىستاعى زاڭناماعا سايكەس، ەر ادامدار ۇساق بۇزاقىلىق بابى بويىنشا اكىمشىلىك جاۋاپكەرشىلىككە تارتىلدى.

 

 

 

ۇقساس جاڭالىقتار

Back to top button