پەتروپاۆلدا مۇگەدەكتىگى بار قىزدى زورلاعان ەكى ادام ۇستالدى

پەتروپاۆلدا مۇگەدەكتىگى بار قىزدى زورلادى دەگەن كۇدىكپەن 2 ەر ادام ۇستالدى دەپ حابارلادى turkystan.kz قازاقپاراتقا سىلتەمە جاساپ.

پەتروپاۆلدا مۇگەدەكتىگى بار قىزدى ءۇش ەر ادامنىڭ زورلاعانى جايىندا اقپارات الەۋمەتتىك جەلىدە تارادى. وقيعا 3 تامىزدا بولعان. زارداپ شەككەن قىزدىڭ تانىسىنىڭ ايتۋىنشا، بويجەتكەننىڭ اقىل-ەسىنىڭ كەمىستىگى بار، اناسى دا اۋىرادى. كوپقاباتتى ءۇيدىڭ اۋلاسىندا اتكەنشەك تەۋىپ وتىرعان ونى كورشىلەرىنىڭ ءبىرى قاسىنداعى ۇيگە، جالعا بەرىلەتىن پاتەرگە الىپ كەتكەن. ول جەردە تاعى ەكى ەر ادام بولعان. تەك تاڭەرتەڭ عانا جىبەرگەن.

«تاڭەرتەڭ مەنىڭ الدىمنان شىقتى، ونى ۇرعان. نە بولعانىن ايتىپ بەردى. پوليتسياعا بارىپ ارىز جازدى. ساراپتامادان ءوتتى»، – دەيدى زارداپ شەگۋشىنىڭ تانىسى.

سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتى وسى دەرەككە قاتىستى تۇسىنىكتەمە بەردى.

«3 تامىز كۇنى پەتروپاۆل قالالىق پوليتسيا باسقارماسىنا اباي كوشەسىندەگى جالعا بەرىلەتىن پاتەرلەردىڭ بىرىندە وبلىس ورتالىعىنىڭ 32 جاستاعى تۇرعىنى زورلانعانى تۋرالى حابارلاما ءتۇستى. بۇل فاكتى قر قك 120-بابى 2-بولىگى، 1-تارماعى «زورلاۋ» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە تىركەلدى. پوليتسيا سقو-نىڭ 48 جانە 32 جاستاعى ەكى تۇرعىنىن انىقتادى.

قازىر وسى دەرەك بويىنشا ءتيىستى ساراپتامالار تاعايىندالدى، قاجەتتى تەرگەۋ امالدارى جۇرگىزىلىپ جاتىر. ونىڭ ناتيجەسى بويىنشا زاڭدى پروتسەسسۋالدىق شەشىم قابىلدانادى. قالعان اقپارات قر قپك 201-بابىنا سايكەس جاريا ەتىلمەيدى»، – دەپ جازىلعان حابارلامادا.

 

 

ۇقساس جاڭالىقتار

Back to top button