2023 جىلدان باستاپ تەمەكى قىمباتتايدى

قازاقستان رەسپۋبليكاسىنىڭ 2022 جىلعى سالىق كودەكسىنە ەنگىزىلگەن وزگەرىستەرگە سايكەس تەمەكى ونىمدەرىنە اكتسيز ستاۆكالارى 2023 جىلدان باستاپ كەزەڭ-كەزەڭىمەن كوتەرىلەدى. بۇل تۋرالى مەملەكەتتىك كىرىستەر كوميتەتى مالىمدەدى دەپ حابارلادى turkystan.kz.

فءيلترى بار سيگارەتتەر:

  • 2023 جىلى – 14 100 تەڭگە/1 000 دانا;
  • 2024 جىلى – 15 900 تەڭگە/1 000 دانا;
  • 2025 جىلى – 15 900 تەڭگە /1000 دانا.

سيگاريللارعا اكتسيز ستاۆكالارى سيگارەتتەر ستاۆكالارىنا تەڭەستىرىلگەن.

قىزدىرىلاتىن تەمەكىسى بار بۇيىمدارعا ولشەم بىرلىگىن كيلوگرامنان داناعا وزگەرتە وتىرىپ، سيگارەتتەرگە اكتسيز ستاۆكاسىنىڭ مولشەرىنەن 70 پايىز دەڭگەيىندەگى اكتسيز ستاۆكاسى ايقىندالدى:

  • 2023 جىلى – 9 870 تەڭگە /1000 دانا;
  • 2024 جىلى – 11 130 تەڭگە /1000 دانا;
  • 2025 جىلى – 11 130 تەڭگە /1000 دانا.

ەلەكتروندىق سيگارەتتەردە پايدالانۋعا ارنالعان كارتريدجدەردەگى، رەزەرۆۋارلارداعى جانە باسقا دا كونتەينەرلەردەگى نيكوتينى بار سۇيىقتىققا ستاۆكا ارتتى:

  • 2023 جىلى – 53 تەڭگە/سۇيىقتىق ميلليليترىنە;
  • 2024 جىلى – 55 تەڭگە/سۇيىقتىق ميلليليترىنە;
  • 2025 جىلى – 55 تەڭگە/سۇيىقتىق ميلليليترىنە.

 

ۇقساس جاڭالىقتار

Back to top button