24 Желтоқсан 2016, 16:46 703 0 Заң Анар ЛЕПЕСОВА

Қаңтардан бастап "Б" корпусының қызметкерлері аттестациядан өтеді

2016 жылдың қаңтарынан бері азаматтарға дөрекі сөйлеген әрі міндетін дұрыс атқармаған 65 мемлекеттік қызметкер жазаланған. Дегенмен, олардың 3 пайызы ғана заң бойынша жауапкершілікке тартылды, деп хабарлайды Алматы арнасы хабарлайды. 

Мемлекеттік қызмет істері және жемқорлыққа қарсы іс-қимыл департаментінің мәліметі бойынша, олардың басшылары заң бұзушылыққа атүсті қараған. Нәтижесінде, қызметкерлер ескертпе, сөгіс алумен шектелген екен.

Бірақ жаңа жылдан кейін тәртіп қатаңдатылмақ. 2017-ші жылдың қаңтар айынан бастап, «Б» корпусына жататын мемлекеттік қызметкерлерді жоспардан тыс аттестация күтіп тұр. Осы тексеріс арқылы мамандардың жұмысқа деген қабілеті анықталатын болады.

«Мемлекеттік қызметкердің істеген әрбір жұмысы 5 балдық жүйе бойынша бағаланады. Ал, ережені бұзғаны, айыппұл санкциялары мен еңбек және орындау тәртібін бұзғаны үшін сол балдан алынады», - деді Мемлекеттік қызмет істері және жемқорлыққа қарсы іс-қимыл агенттігінің Алматы қаласы бойынша департаментінің басшысы Айгүл Байханова.

Соңғы жаңалықтар