تەننيستەن ءاچ: قازاقستان قۇراماسى مەرزىمىنەن بۇرىن جەڭىپ، 1/2 فينالعا شىقتى

پروستەەۆ قالاسىندا (چەحيا) 14 جاسقا دەيىنگىلەر اراسىندا كوماندالىق الەم چەمپيوناتى (2022 ITF World Junior Tennis Finals) ءوتىپ جاتىر دەپ حابارلادى turkystan.kz قازاقستان تەننيس فەدەراتسياسىنىڭ ءباسپاسوز قىزمەتىنە سىلتەمە جاساپ. 

شيرەك فينالدا قازاقستاندىق جاسوسپىرىمدەر سلوۆەنيا قۇراماسىمەن وينايدى.

قازاقستان قۇراماسىنىڭ كاپيتانى سەرگەي كۆاك قازاقستاندىق جاسوسپىرىمدەر الەم چەمپيوناتىندا ءساتتى ويىن ورنەگىن كورسەتىپ جاتقانىن ايتتى.

تەننيستەن ءاچ: قازاقستان قۇراماسى مەرزىمىنەن بۇرىن جەڭىپ، 1/2 فينالعا شىقتى

«مەن ءوز شاكىرتتەرىممەن ماقتانامىن. ەكۆادورمەن ويىن الەم چەمپيوناتىنداعى العاشقى ماتچ بولعاندىقتان قازاقستاندىق جاسوسپىرىمدەر تولقىپ، ەسە جىبەردى. سودان كەيىن ارگەنتينا مەن يتاليا سياقتى اسا مىقتى كوماندالاردىجەڭىپ، شيرەك فينالعا جولداما الدى. بۇل – تاريحي جەڭىس»، – دەدى كۆاك.

ەسكە سالا كەتەيىك، تەننيستەن الەم چەمپيوناتىندا قازاقستاندىق جاسوسپىرىمدەر العاش رەت شيرەك فينالعا شىقتى. توپتىق باسەكەدە يتاليامەن وتكەن ماتچتا سەرگەي كۆاكتىڭ شاكىرتتەرى الەم چەمپيوندارىن 3:0 ەسەبىمەن تىزە بۇكتىردى. ءۇشىنشى جۇپتىق كەزدەسۋدە دامير جالعاسباي مەن دانيەل تازابەكوۆ قارسىلاستارىنان 6:1، 6:3 ەسەبىمەن باسىم ءتۇستى.

 

 

ۇقساس جاڭالىقتار

Back to top button