تەمىرتاۋ قالاسىنداعى توتەنشە جاعدايلار باسقارماسىنا جاڭا باسشى تاعايىندالدى

ازاماتتىق قورعاۋ پولكوۆنيگى نۇرمۇحامەد ينتۋەۆ تەمىرتاۋ قالاسى توتەنشە جاعدايلار باسقارماسىنىڭ باسشىسى بولىپ تاعايىندالدى. بۇل تۋرالى تەمىرتاۋ قالاسى اكىمدىگىنىڭ ءباسپاسوز قىزمەتى مالىمدەدى دەپ حابارلادى turkystan.kz.

قاراعاندى وبلىسى توتەنشە جاعدايلار دەپارتامەنتىنىڭ باستىعى مۇرات قاتپانوۆ جاڭا باسشىنى قالا اكىمى مەن جەكە قۇرام قىزمەتكەرلەرىنە تانىستىردى.

تەمىرتاۋ قالاسىنداعى توتەنشە جاعدايلار باسقارماسىنا جاڭا باسشى تاعايىندالدى

نۇرمۇحامەد ينتۋەۆ 1979 جىلى قاراعاندى وبلىسىنىڭ جاڭاارقا اۋدانىندا دۇنيەگە كەلگەن. قر ءىىم الماتى جوعارى تەحنيكالىق ۋچيليششەسىن، قازاقستان رەسپۋبليكاسى تجا كوكشەتاۋ تەحنيكالىق ينستيتۋتىن جانە رەسەي فەدەراتسياسى توتەنشە جاعدايلار مينيسترلىگى مەملەكەتتىك ورتكە قارسى قىزمەت اكادەمياسىن بىتىرگەن.
ەڭبەك جولىن 1999 جىلى قاراعاندى وبلىسىنىڭ اباي قالاسىنداعى N30 ءورت ءسوندىرۋ بەكەتىنىڭ مەملەكەتتىك ءورت قاداعالاۋ توبىنىڭ ينسپەكتورى بولىپ باستادى.
قاراعاندى جانە اقمولا وبلىستارىنىڭ توتەنشە جاعدايلار دەپارتامەنتتەرى بولىمشەلەرىندە باسشىلىق قىزمەت اتقاردى.
2019 جىلدىڭ جەلتوقسان ايىنان باستاپ قاراعاندى وبلىسى توتەنشە جاعدايلار دەپارتامەنتىنىڭ داعدارىس جاعدايلارى باسقارماسىن باسقاردى.

 

Back to top button