70 жастағы екі қарияны қараусыз жүрген өгіз сүзді

70 жастағы екі қарияны қараусыз жүрген өгіз сүзді

70 жастағы екі қарияны қараусыз жүрген өгіз сүзді
ашық дереккөзі
Қазақстанның оңтүстігіндегі ауылда қараусыз жүрген өгіз 70 жастағы екі қарияны сүзді деп хабарлады  turkystan.kz. Бұл туралы Instagram-да Жетісу облысы Сарыөзек ауылының тұрғындары жазды. Зардап шеккен әйелдің жамбас сүйегі сынып, ауруханаға жеткізілген.
«Біз бұл мәселе бойынша аудан билігіне жүгіндік. Бірақ әзірге ешқандай әрекет жоқ. Бұған дейін билікке ескерту жасалды, олардың әрекетсіздігі үшін осындай жағдай болды», – дейді тұрғындар.
Кербұлақ аудандық полициясының баспасөз қызметі жыл басынан бері 315 ауыл тұрғынын мал жаю ережелерін бұзғаны үшін жазалағанын жеткізді.
«Осы бағытта әкімшілік қызметкерлерімен күнделікті профилактикалық іс-шаралар жүргізіледі. Осыған қарамастан қараусыз қалған мал азаймай тұр. Қазір Кербұлақ ауданының аумағында үй жануарларын ұстайтын орындар салу жоспарланып отыр», – деді полициядан.
Бұқаның иесіне 10 АЕК (шамамен 30 мың теңге) айыппұл салынды. Ол қариялардың еміне ақы төлейтін болады.