قازاقستان تايۆاندى قىتايدىڭ اجىراماس بولىگى دەپ سانايدى

قازاقستان تايۆاندى قىتاي حالىق رەسپۋبليكاسى اۋماعىنىڭ اجىراماس بولىگى دەپ سانايدى. بۇل تۋرالى قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى دەپ حابارلادى turkystan.kz.

«قازاقستان رەسپۋبليكاسى «ءبىر قىتاي» قاعيداتىن قولدايدى جانە تايۆاندى قىتاي حالىق رەسپۋبليكاسى اۋماعىنىڭ اجىراماس بولىگى دەپ سانايدى»، – دەدى قر ءسىم رەسمي وكىلى ايبەك سمادياروۆ.

قازاقستان حالىقارالىق قۇقىقتىڭ قولدانىستاعى نورمالارىن جانە بىرىككەن ۇلتتار ۇيىمى جارعىسىن ساقتاۋدى، اتاپ ايتقاندا، وسى ماسەلەدە بۇۇ باس اسسامبلەياسىنىڭ 1971 جىلعى №2758 قارارىن ۇستانۋدى جاقتايدى.

«شەتەلدەردىڭ رەسمي دەلەگاتسيالارىنىڭ تايۆانعا ساپارلارى قحر ۇكىمەتىمەن كەلىسىلۋى ءتيىس دەپ سانايمىن»، – دەدى ايبەك سمادياروۆ.

 

ۇقساس جاڭالىقتار

Back to top button