ۆيتسە-مينيستر قازاقستاندا ەكىنشى اەس سالىناتىن جەردى اتادى

قازاقستاندا ەكىنشى اەس ەرتىس بويىندا سالىنۋى مۇمكىن. بۇل تۋرالى ەنەرگەتيكا ۆيتسە-ءمينيسترى جاندوس نۇرماعانبەتوۆ ايتتى دەپ حابارلادى turkystan.kz قازاقپاراتقا سىلتەمە جاساپ.

«ءبىرىنشى ستانسا قۇرىلىسى باستالىپ، ءساتتى ىسكە قوسىلعان جاعدايدا «قازاقستاندا قانشا اتوم ەلەكتر ستانساسى بولادى؟» دەگەن ەكىنشى سۇراق تۋىندايدى. بۇل سۇراققا دا قاتىستى تالقىلاۋ جۇرگىزىلىپ جاتىر. قازاقستانداعى ەكىنشى اتوم ەلەكتر ستانساسى ەرتىس بويىندا، كۋرچاتوۆ قالاسى اۋدانىندا پايدا بولۋى ابدەن مۇمكىن. ەگەر قازاقستان كومىرتەگى بەيتاراپتىعى جولىن تاڭدايتىن بولسا، وندا بىرنەشە اتوم ەلەكتر ستانساسىن سالعاننان باسقا شىعار جولى جوق. دەمەك، ەرتىس ءسوزسىز كەلەشەگى بار الاڭ»، – دەدى ۆيتسە-مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

بۇعان دەيىن ەنەرگەتيكا ءمينيسترى بولات اقشولاقوۆ ەلىمىزدەگى ءبىرىنشى اتوم ەلەكتر ستانساسىن سالۋ ءۇشىن الماتى وبلىسىنداعى ۇلكەن ەلدى مەكەنى تاڭداپ الىنعانىن ايتقان ەدى.

ۇقساس جاڭالىقتار

Back to top button