ەلىمىزدە ەكى اۋداننىڭ اتاۋى وزگەرەدى

قاراعاندى وبلىسى مەن شىمكەنت قالاسىندا ەكى اۋداننىڭ اتاۋى وزگەرەدى دەپ حابارلادى turkystan.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.

قاراعاندى وبلىسىنىڭ وساكاروۆ اۋدانىنىڭ اتاۋى وزگەرتىلەدى. جەرگىلىكتى تۇرعىندار جيىرما جىل بويى «سارىبەل» تاريحي اتاۋىن قايتارۋ ماسەلەسىن كوتەرىپ كەلگەن بولاتىن. ۇكىمەت جانىنداعى رەسپۋبليكالىق ونوماستيكا كوميسسياسى وسى ماسەلەگە بايلانىستى ءبىراۋىزدان وڭ شەشىم قابىلدادى.

سونىمەن قاتار شىمكەنت قالاسى اكىمدىگىنىڭ جاڭا اۋدانعا «تۇران» اتاۋىن بەرۋ تۋرالى ۇسىنىسى دا قولداۋ تاپتى. كوميسسيا مۇشەلەرى مەملەكەتتىك مەنشىكتەگى بىرقاتار وبەكتىگە اتاۋ بەرۋ جانە قايتا اتاۋ تۋرالى ۇسىنىستى ماقۇلدادى.

«قوعامدا ونوماستيكا ماسەلەلەرىنىڭ الەۋمەتتىك ماڭىزى زور. بارلىق ۇسىنىس ساراپتامالىق جانە عىلىمي ورتا وكىلدەرىنىڭ، جەرگىلىكتى تۇرعىنداردىڭ قاتىسۋىمەن قارالادى. كەيىنگى ۋاقىتتا كوميسسيا ءبىرىنشى كەزەكتە ازاماتتاردىڭ پىكىرىن ەسكەرىپ، ماڭىزدى شەشىمدەر قابىلدادى»، – دەدى مادەنيەت جانە سپورت ءمينيسترى داۋرەن اباەۆ.

 

ۇقساس جاڭالىقتار

Back to top button