Көпбалалы отбасыларға 124 пәтер берілді

Нұр-Сұлтан қаласында үй кезегінде тұрғандар арасында жалдамалы баспанаға қол жеткізгендердің тізімі жарияланды деп хабарлады  turkystan.kz. Өтінімдер 18-24 маусым аралығында қабылданған болатын. Санаты – көпбалалы отбасылар. Барлығы – 2,3 бөлмелі 124 пәтер. Бұл баспана сатып алу құқығынсыз жалға беріледі. Бағдарламаға өткендер мен өтпегендердің аты-жөні әкімдіктің сайтында жарияланды. Тізімді осы сілтемеден жүктеп алуға болады. Бағдарлама бойынша өткендердің бәріне жақын арада тұрғын үй орталығының қызметкерлері хабарласып, әрі қарай не істеу керегін түсіндіреді.