Толассыз жауыннан Ақтау көшелерін су басты (ВИДЕО)

Ақтауда толассыз жауған жаңбыр салдарынан көшелерді су басты деп хабарлады turkystan.kz. Қазгидрометтің мәліметінше, бір күндік жауын-шашын айлық нормасына сәйкес келеді. Жаңбыр кешкі сағат 23:00 шамасында басталып, 06:00-ге дейін толассыз жауған. 28 шілде күні сағат 08:00-ден бастап, 10:00-ге дейін тағы жауған. Синоптиктердің айтуынша, 28-30 шілде аралығында елде аптап ыстық бәсеңдейді. Солтүстік аймақтарда жаңбыр жауса, оңтүстік-шығысында найзағай мен желдің күшеюі күтіледі.