Тіс дәрігері кір жуатын машинадан ұшақ жасады (ВИДЕО)

Талғарлық тіс дәрігері Қуаныш Мұхамеджанов қызметін тастап, 6 жылдан бері арманындағы идеясын жүзеге асырып келеді деп хабарлады turkystan.kz  Хабар телеарнасына сілтеме жасап. Тұрмыстық техникаларды кәдеге жарата білген шебер 30-дан аса мүсін құрастырыпты. Ішіндегі ең көлемдісі – 8 кір жуатын машина, 4 теледидар, 3 газ пеші мен тоңазытқыштан құрастырылған ұшақ. Бұл арт-мүсін үшін жарты жыл еңбектенген.

«Соңғы жылдары ірі арт-мүсіндер жасауға бет бұрдым. Бірінші әуе кемесін құрастыруды ұйғардым. Оның  жобасы әу баста шағын болған. Кейін дизайнын жетілдіріп, көлемін үлкейттім. Құрастыру жұмыстарына үш айдан аса уақыт кетті», – дейді арт-мүсінші.

Бұл өнер Шығыс Азия мен Батыс елдерінде жақсы дамып, табыс көзіне айналған.