اشم: 5 ملن گەكتار جەر مەملەكەت مەنشىگىنە قايتارىلادى

اۋىل شارۋاشىلىعى مينيسترلىگى جىل سوڭىنا دەيىن پايدالانىلمايتىن تاعى 5 ملن گەكتار اۋىل شارۋاشىلىعى جەرىن مەملەكەتكە قايتارۋدى جوسپارلاپ وتىر دەپ حابارلادى turkystan.kz.

ۆەدومستۆونىڭ مالىمەتىنشە، سوڭعى 7 ايدا 904 مىڭ گەكتار پايدالانىلماعان نەمەسە زاڭنامانى بۇزا وتىرىپ بەرىلگەن جەر مەملەكەت پايداسىنا قايتارىلدى، ال بىلتىر  430 مىڭ گەكتار جەر قايتارىلعان.

 «مەملەكەت باسشىسىنىڭ تاپسىرماسىمەن پايدالانىلماعان جانە زاڭنامانى بۇزا وتىرىپ بەرىلگەن جەردى قايتارۋ جونىندەگى جۇمىس كوميسسياسى قۇرىلدى. قازىرگى ۋاقىتتا بىرنەشە باعىت بويىنشا جۇمىستار قاتار ءجۇرىپ جاتىر: بارلىق وبلىستاردا قۇقىق قورعاۋ جانە مەملەكەتتىك ورگانداردى تارتا وتىرىپ، ۆەدومستۆوارالىق توپتار قۇرىلدى; 7،45 ملن گەكتار الاڭدا 2 584 سۋبەكتىگە قاتىستى «جاپپاي قاۋىپ» شەڭبەرىندە جەر رەسۋرستارىن باسقارۋ كوميتەتىنىڭ اۋماقتىق بولىمشەلەرىنىڭ تەكسەرۋلەر جۇرگىزۋىن كوزدەيتىن اۋىل شارۋاشىلىعى ءمينيسترىنىڭ بۇيرىعى قابىلداندى. 1 ملن 517 مىڭ گەكتار الاڭدا جەر پايدالانۋشىلارعا قاتىستى 601 جوسپاردان تىس تەكسەرۋ جۇرگىزىلدى، 680،9 مىڭ گەكتار جەرگە قاتىستى تاعى 57 ماتەريال باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ باسقارمالارىندا تىركەۋ ساتىسىندا تۇر» دەپ جازدى مينيسترلىك.

ايتا كەتسەك، مەملەكەت پايداسىنا قايتارىلعان جەرلەردى ودان ءارى اگرارلىق سەكتور وكىلدەرىنە تىكەلەي پايدالانۋعا بەرۋ ءۇشىن جەرگىلىكتى اتقارۋشى ورگاندار (اكىمدىكتەر ارقىلى) بولەدى.

ۇقساس جاڭالىقتار

Back to top button