Оңтүстік Кореяда COVID-19 жұқтырғандар көбейіп кетті

Оңтүстік Кореяда соңғы үш айда COVID-19 жұқтырғандардың саны 100 мыңнан асты деп хабарлады  turkystan.kz Yonhap агенттігіне сілтеме жасап. Кореяның ауруларды бақылау және алдын алу агенттігінің мәліметі бойынша, өткен тәулікте елде COVID-19 инфекциясын жұқтырған 100 285 адам тіркеліп, 25 адам қайтыс болған. Бұл - 20 сәуірден бері COVID-19 жұқтырғандардың ең жоғары саны. Ол кезде күніне 111 291 жаңа дерек тіркеліп отырған еді. Айта кетсек, елдегі денсаулық сақтау органдары COVID-19 жаңа жағдайларының саны әлі де көбейеді деп болжап отыр.