«ҚазАзот» цехының шатыры құлады

Ақтаудағы «ҚазАзот» АҚ цехының шатыры опырылып түсті. Қаза болғандар мен зардап шеккендер жоқ деп хабарлады turkystan.kz. 24-25 шілдеге қараған түні «ҚазАзот» АҚ аумағында қатты дауыл болған. «ҚазАзот» АҚ баспасөз қызметі кәсіпорында күрделі минералды тыңайтқыштар өндіру цехы (ПСМУ) ғимаратының шатыры ішінара қирағанын растады.

«Оқиға 24 шілдеде сағат 05:20-да болған. Ауа-райының қолайсыздығына байланысты ғимараттың шатыры ішінара құлап кеткен. Технологиялық жабдықтар зардап шеккен жоқ. Оқиға болған жер «Жалын» Өрт сөндіруші» ЖШС авариялық-құтқару қызметінің қатысуымен тексерілді», - делінген «ҚазАзот» баспасөз қызметінің ақпаратында.

Қазіргі уақытта қауіпті аймақ қоршалып тұр. Қызметкерлерге де кіруге тыйым салынды.