Қазақтың тұңғыш ғарышкері Тоқтар Әубәкіровтің ғарышқа ұшқан сәтінің видеосы жарияланды деп хабарлады turkystan.kzQazaqstan ұлттық телеарнасына сілтеме жасап.
Тоқтар Әубәкіров 1991 жылы 2 қазанда Байқоңырдан «Союз ТМ-13» кемесімен көкке ұшты. Ғарышта 7 күн 22 сағат 12 минут болды. Ғарыш кемесі жер төңірегіндегі «Мир» орбиталық кешенімен түйісті. Онда ол өзге ғарышкерлермен бірге биотехнология, металлургия, медицина салалары және Арал теңізі аймағы бойынша ғылыми-зерттеу жұмыстарын жүргізді.
Айта кетейік, бүгін қазақтың қос ғарышкерінің туған күні. Қазақтан шыққан тұңғыш ғарышкер, Халық қаһарманы Тоқтар Әубәкіров 76 жасқа, Қазақстанның ұшқыш-ғарышкері, Халық қаһарманы Айдын Айымбетов 50 жасқа толды.
