Шымкентте 71 жастағы қария баспанасымен қоса өртеніп кетті

 71 жастағы тұрғын отқа оранған үйінен шыға алмай қалған деп хабарлады turkystan.kz. Қайғылы оқиға 25 шілдеде, түнгі сағат 00:15 шамасында болған. Абай ауданындағы Шаумяна көшесі бойында орналасқан көлемі 81 шаршы метр үйдің шатыры жанып кеткен. Сондай-ақ 36 шаршы метр болатын екі бөлме мен дүние-мүлік те отқа оранған. Өртті сөндіруге Шымкент қаласы ТЖД өрт сөндіру қызметінің 14 қызметкері мен 3 техникасы, апаттар медицинасы бригадасы жұмылдырылды.

«Аумағы 12 шаршы метр қонақ бөлмесінің лай мен қамыстан жасалған төбе жаппасы құлады. Тілсіз жау сағат 00:44-те оқшауланып, сағат 01:10 шамасында толығымен сөндірілді. Үйдің ішінен 1951 жылғы ер кісінің денесі табылды. Өрттің шығу себептері анықталып жатыр», – делінген Түркістан облысы ТЖД хабарламасында.