Ақтөбеде кәсіпкерлерден ақша бопсалаған қылмыстық топ ұсталды
Ақтөбеде кәсіпкерлерден ақша бопсалаған қылмыстық топ ұсталды
Ақтөбе облысында кәсіпкерлерден ақша талап еткен қылмыстық топ қолға түсті деп хабарлады turkystan.kz Polisia.kz сайтына сілтеме жасап.
Ақтөбе облысының полицейлері ҰҚКД-дағы әріптестерімен бірге кәсіпкерлерді бопсалаумен айналысатын қылмыстық топты ұстады.
«Қылмыстық топ құрамында деструктивті белгілері бар алты адам болған. Олар діннің атын жамылып, бірнеше рет түрлі себептермен екі жас жігіттен ақшалай қаражат бопсалаған. Жедел іс-шараларды өткізу барысында аталған адамдар ұсталып, уақытша ұстау изоляторына қамауға алынды», - делінген хабарламада.
Жедел іздестіру нәтижесінде, күдіктілер уақытша ұстау изоляторына қамауға алынды.
Факті бойынша ҚК-нің 194-бабы 2-бөлігі (Қорқытып алу) бойынша сотқа дейінгі тергеу басталды.