Конференция лигасы: «Қызыл-Жар» өз алаңында «Осиекпен» кездесті

УЕФА Конференция лигасына Қазақстан клубтар арасынан жорықты «Қызыл-Жар» бастады деп хабарлады turkystan.kz Prosports.kz сайтына сілтеме жасап. Петропавлдық «Қызыл-Жар» «Астана Арена» стадионында хорватиялық «Осиекті» қабылдады. Хорватия командасы матч алдында фаворит саналған. Іс жүзінде де «Осиек» мықты болды. Дегенмен матчтағы есеп тек екінші таймда ашылды. Алдымен Топчагиш көзге түссе, артынша Кляйнхайслер есепті еселеді. Ойын соңында «Осиек» футболшысы автогол соғып алып, матч 1:2 есебімен аяқталды.