__باستى سلايدەرجاڭالىقتار

WhatsApp-تا كەزەكتى جاڭا فۋنكتسيا پايدا بولادى

WhatsApp-تىڭ Twitter-دەگى رەسمي اككاۋنتىندا ەندى بەلگىلى مەسسەندجەردە جىبەرىلگەن حابارلامانى رەداكتسيالاۋعا مۇمكىن بولاتىنى تۋرالى اقپارات جاريالاندى، دەپ حابارلايدى قازاقپارات gagadget.com. سايتىنا سىلتەمە جاساپ.

WhatsApp-تا قاراپايىم ماتىندىك حابارلامالاردى ءوشىرۋ جانە رەداكتسيالاۋ مۇمكىندىگىنەن بولەك، جىبەرىلگەن فوتوسۋرەتتەر مەن ۆيدەوروليكتەرگە وزگەرىستەر ەنگىزۋ فۋنكتسياسى دا پايدا بولادى.

ازىرگە جاڭا فۋنكتسيا قوسىمشانىڭ تەستىلىك نۇسقاسىن پايدالانۋشىلار ءۇشىن عانا قولجەتىمدى. بىراق الداعى تاياۋ ۋاقىتتا Android پەن iOS-تا WhatsApp-تى قولدانۋشىلاردىڭ بارلىعىندا ىسكە قوسىلادى.

ەسكە سالايىق، اعىمداعى جىلدىڭ قاراشا ايىندا WhatsApp ۆيدەوقوڭىراۋلار جاساۋعا مۇمكىندىك بەرەتىن جاڭا فۋنكتسيانى ىسكە قوستى.

سونداي-اق، بۇعان دەيىن حابارلانعانداي، ۇستىمىزدەگى جەلتوقسان ايىنىڭ سوڭىندا WhatsApp قوسىمشاسى ميلليونداعان ەسكى سمارتفونداردا قولجەتىمسىز بولادى.

2016 جىلدىڭ سوڭىندا WhatsApp قوسىمشاسى Android, Windows جانە iOS وپەراتسيالىق جۇيەلەرىمەن باسقارىلاتىن تەلەفونداردا وشەتىن بولادى. ەسكى سمارتفوندار الداعى ۋاقىتتا سەرۆيستە ازىرلەنىپ جاتقان جاڭا مۇمكىندىكتەردى ورىنداي المايتىندىقتان وسىنداي شەشىم قابىلدانعان. اتالمىش سەرۆيستى Android 2.1\2.2, Windows Phone 7, سونداي-اق iPhone 3GS\iOS6 وپەراتسيالىق جۇيەلەرىمەن باسقارىلاتىن سمارتفوندار پايدالانا المايتىنى ناقتىلانىپ وتىر.

ال 2017 جىلدىڭ ماۋسىم ايىندا WhatsApp BlackBerry, سونىمەن قاتار Symbian S40 جانە S60 فيرمالىق پلاتفورمالارى بار Nokia تەلەفوندارىندا وشەتىن بولادى.

Back to top button