«Отандастар қорының» ұйымдастыруымен 12-17 жас аралығындағы шетелдегі қазақ балаларына арналған жазғы лагердің ашылу салтанаты өтті деп хабарлады turkystan.kz.
Айтулы іс-шара Щучье көлінің оңтүстік шығыс жағалауында орналасқан «IQanat High School of Burabay» мектебінің базасында 17-28 шілде күндері аралығына дейін жалғасады.
Жазғы демалыс кезінде жастар STEM, робототехника, кәсіпкерлік, жобаларын басқару дағдыларын үйренеді. Аталған іс-шараға Франция, Түркия, Иран, Қырғыз Республикасы, Қытай, Моңғолия, Өзбекстан, Ресейден 84 қазақстандық жеткіншек келді.
Лагердің ашылу салтанатында «Отандастар қорының» президенті Абзал Сапарбекұлы атажұртқа келген балаларды "Балалар жылымен" құттықтап, оларға жақсы демалыс тіледі.
«Әр елден келген қазақ балалары мұнда бірін-бірі тек қазақ тілінде сөйлеу арқылы түсінісе алады. Осылайша олар қазақ тіліне деген құштарлықтарын оятып, ана тілінің қадір-қасиетін тереңірек ұғына бастайды», - деді А.Сапарбекұлы.
Айта кетсек, шетелдегі қазақ балаларына арналған жазғы лагерлер 2019 жылдан бастап жұмыс істеп келеді. 3 жыл бұрын 5 түрлі бағытта жазғы демалыстар ұйымдастырылып 600-ге жуық қазақ баласы Қазақстанға келді. Пандемия уақытында уақытша тоқтап қалған бұл игі іс-шаралар биылдан бастап қайта жүзеге аса бастады.
Айта кетсек, шетелдегі қазақ балаларына арналған жазғы лагерлер 2019 жылдан бастап жұмыс істеп келеді. 3 жыл бұрын 5 түрлі бағытта жазғы демалыстар ұйымдастырылып 600-ге жуық қазақ баласы Қазақстанға келді. Пандемия уақытында уақытша тоқтап қалған бұл игі іс-шаралар биылдан бастап қайта жүзеге аса бастады.
