Ресейде 110 мыңнан аса компания жабылды

Ресейде 2022 жылдың наурызынан маусымына дейін 113,5 мың компания жабылды деп хабарлады turkystan.kz urbc.ru сайтына сілтеме жасап. Бұл өткен жылдың сәйкес кезеңімен салыстырғанда 17,5%-ға көп. Мұндай деректі FinExpertiza сарапшылары ұсынды. Кәсіпорындардың шамамен 14,5%-ы (16,5 мың) меншік иелерінің қалауымен жабылды. 2,2%-ы (2,5 мың) банкрот болып, 1,4%-ы (1,6 мың) қайта құрылды. «Ресей экономикасына жасалған санкциялар мен жалпы сұраныстың төмендеуі бизнестің дамуына қатты әсер етті. Кәсіпорындардың жаппай жабылуы бірінші кезекте салық органдарының мүлдем жұмыс істемейтін кәсіпорындарды тазартуымен байланысты болып отыр», - деп түсіндірді FinExpertiza басшысы Елена Трубникова. Сонымен қатар, жаңа кәсіпорындардың ашылуы бұрынғы деңгейде қалды, яғни төрт айда 78,6 мыңды құрады. Алайда кәсіпорындар санының өсуі тек 13 өңірде ғана тіркелген.