«ҚазАвтоЖол» ұлттық компаниясы мен «Қазақавтожол» ЖШС біріктіру турасындағы Президент тапсырмасын іске асыру бойынша құрылған жұмыс тобы іске кірісті. Жақын арада соңғы 10 жылда жүзеге асырылған автожол жобаларын тексеру жөніндегі комиссия құрылатын болады. Комиссия құрамына мемлекеттік және прокуратура органдары мен «Атамекен» ұлттық Кәсіпкерлер палатасының өкілдері кіреді», - деді Индустрия және инфрақұрылымдық даму министрі Қайырбек Өскенбаев Үкімет отырысында.«Орталықтандырылған басқару жүйесі жұмыс тиімділігін арттыруға тың серпін береді деп күтілуде. Республикалық маңызы бар жолдардың сапасы үшін жауапкершілік бірыңғай операторға жүктеледі», - делінген ҚР ИИДМ баспасөз қызметінің хабарламасында. Еске салсақ, бір ай бұрын ғана Самат Ғилымов «Қазақавтожол» ЖШС бас директоры болып тағайындалған.
«ҚазАвтоЖол» мен «Қазақавтожол» бірігеді
«ҚазАвтоЖол» мен «Қазақавтожол» бірігеді
Автожол саласын реформалау шеңберінде «ҚазАвтоЖол» ҰК» АҚ «Қазақавтожол» ЖШС-мен біріктіріледі. Қаулы жобасы Үкіметке тамыз айында енгізіледі деп хабарлады turkystan.kz.
Үкіметтің кеңейтілген отырысында Мемлекет басшысы Қасым-Жомарт Тоқаев Қазақстанда бірыңғай автожол компаниясын құруды тапсырған еді. Осыған орай, бүгінде арнайы жұмыс тобы құрылып, іске кірісті.
Сонымен қатар «Республикалық меншіктің кейбір мәселелері туралы» ҚР Үкіметінің Қаулысына түзетулер енгізу бойынша жоба даярлануда.