Қаңтарда азапталған қырғыз музыкантына қатысты тергеу аяқталды
Қырғызстанның құқық қорғау органдары Алматыда қаңтар оқиғасы кезінде ұсталған музыкант Викрам Рузахуновтың азапталуына қатысты істі тергеу аяқталды. Материалдар Қазақстанға жіберілмек деп хабарлады turkystan.kz Ulysmedia.kz-ке сілтеме жасап.
«Сарапшылар менің денсаулығыма ауыр зиян келтірілді деп бағалады. Жиналған материалдар Қырғызстанның Бас прокуратурасы арқылы кінәлі тұлғаларды анықтау және қылмыстық жауапкершілікке тарту үшін Қазақстанның құзыретті органдарына жіберілетін болады», — деді ол.
Айта кетсек, Қазақстандағы қаңтар қырғыны кезінде Қырғызстанның 10-ға жуық азаматы ұсталып, босатылған. Олардың арасында белгілі қырғыз музыканты Викрам Рузахунов та болды.
Ақпанда Қырғызстан прокуратурасы музыканның азапталуына байланысты қылмыстық іс қозғалғанын мәлімдеген.