Жол құрылысының сапасы депутаттар бақылауында
Жол құрылысының сапасы депутаттар бақылауында
Бүгін Батыс Қазақстан облысына жұмыс сапары аясында ҚР Парламенті Мәжілісінің депутаты, AMANAT партиясы фракциясының мүшесі Снежанна Имашева Орал қаласының Әбілқайыр хан даңғылындағы магистральді жолдарға жасалып жатқан жөндеу жұмыстары барысымен танысты деп хабарлады turkystan.kz.
Депо көпірінен Сырым Датов көшесіне дейінгі үш шақырымдық жол төсемін жөндеу бірнеше кезеңнен тұрады, жолдың өзі 5 учаскеге бөлінген.
Мердігер ұйымның директоры, Орал қалалық мәслихатының депутаты Жанна Кенжинаның айтуынша, қазіргі уақытта асфальт жабынының жоғарғы қабаты учаскелерінің бірінде жаңарту жұмыстары жүргізілуде. Қазірдің өзінде 1,6 шақырым жолды жөндеу жұмыстары аяқталды. Кепілдік мерзімі - 5 жыл.
Ескі асфальтты жергілікті билік бұған дейін ешқашан асфальт төселмеген қаланың шетіндегі көшелерге салуды жоспарлап отыр.