Петропавлда төтенше жағдай жарияланады

Петропавлда төтенше жағдай жарияланады

Петропавлда төтенше жағдай жарияланады
ашық дереккөзі

Петропавлдағы 2-ші жылу-электр орталығында болған апатқа байланысты техногендік сипаттағы төтенше жағдай жарияланады деп хабарлады turkystan.kz.

Петропавл қалалық әкімдігі ішкі саясат бөлімінің басшысы Азат Ибраевтың айтуынша, әзірге жергілікті масштабтағы техногендік сипаттағы төтенше жағдай жарияланған жоқ. Шешім 4 шілде күні өткен қалалық әкімдік жанындағы төтенше жағдайлардың алдын алу және жою жөніндегі комиссияның отырысында қабылданды. Бұл шешім ашық нормативтік-құқықтық актілер порталында қоғам талқылауына салынған. Техногендік сипаттағы төтенше жағдай жариялаудың мақсаты – Петропавл 2-ші ЖЭО болған апат салдарын жою. «Негізгі міндет – төтенше жағдайдың ықтимал теріс дамуына бағалау жүргізу, жылыту маусымын қауіпсіз өткізу үшін қажетті шараларды қолдану, қажет болған жағдайда әлеуметтік маңызы бар нысандарды жылыту үшін қосымша жабдықтар сатып алу», - деді ведомство өкілдері. Естеріңізге сала кетсек, биыл 20 наурыз күні Петропавл жылу орталығының түтін мұржаларының бірі ішінара опырылып құлаған еді. Үйіндінің астында қалған жұмысшы қайтыс болды . Қылмыстық іс қозғалып, орталық директоры мен бас инженері қамауға алынды . Тергеу амалдары әлі аяқталған жоқ.