«جەر اماناتى» كوميسسياسى الماتىلىقتاردىڭ جەر ماسەلەسىن شەشەدى

اۋىل شارۋاشىلىعى ماقساتىنداعى پايدالانىلماعان جانە زاڭسىز بولىنگەن جەرلەردى مەملەكەت مەنشىگىنە قايتارۋ بويىنشا «AMANAT» پارتياسىنىڭ «جەر اماناتى» كوميسسياسىنىڭ مۇشەلەرى جەر ماسەلەسىنە قاتىستى داۋ-داماي تۋىنداعان الماتىداعى بىرقاتار شاعىناۋداننىڭ تۇرعىندارىمەن كەزدەستى.

ايتا كەتسەك، پارتيالىق كوميسسيانىڭ كومەگىمەن بۋتاكوۆكا اۋدانىنداعى 5 گا جەر ۋچاسكەسى مەملەكەت مەنشىگىنە قايتارىلدى. وندا جويىلۋعا شاق قالعان الما باعى بار. الايدا، اماناتتىقتار بيىل كۇزدە جەرگىلىكتى تۇرعىندارمەن بىرگە سەنبىلىك وتكىزىپ، الما اعاشىنىڭ جاڭا كوشەتتەرىن وتىرعىزۋعا دايىن ەكەندىگىن جەتكىزدى.

«كوپتەگەن قالالاردا، سونىڭ ىشىندە الماتىدا، اسىرەسە تاۋلى شاعىناۋدانداردا رەتسىز، جۇيەسىز قۇرىلىستارعا قاتىستى تۇيتكىلدى ماسەلەلەر بار. بۋتاكوۆكاداعى ماسەلە وڭ شەشىمىن تاۋىپ كەلەدى. پارتيانىڭ كومەگىمەن ءبىز تۋىپ-وسكەن جەرىنىڭ تاعدىرىنا بەيجاي قارامايتىن قاراپايىم تۇرعىنداردىڭ ماسەلەلەرىن شەشەمىز. بۇل – اتقارىپ جاتقان جۇمىسىمىزدىڭ اسا ماڭىزدى اسپەكتىسى»، – دەدى اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىنىڭ توراعاسى مۇرات تەمىرجانوۆ.

بۋتاكوۆكا

گورنىي گيگانت شاعىناۋدانىنىڭ تۇرعىندارى دا وسىنداي ماسەلەلەرگە تاپ بولعان. كوتتەدج قالاشىعىن تۇرعىزۋ ءۇشىن جاڭا قوجايىندارى 9 گەكتار جەردەگى اعاشتاردى وتاپ تاستاعىلارى كەلەدى. قازىر مۇندا الما باعى ورنالاسقان.

«1989 جىلى اكەم كەلىسىمشارتتا كورسەتىلگەندەي، بۇل جەردى كەيىن مۇراعا قالدىرۋ قۇقىعىمەن 49 جىلعا جالعا الدى. مۇندا بۇكىل وتباسىمىزبەن بىرگە الما وسىرۋمەن اينالىسامىز. 1998 جىلى تالعار اۋدانىنا تيەسىلى جەرلەردى الماتى وبلىسىنان الماتى قالاسىنا بەرۋ تۋرالى جارلىق شىقتى. وسىلايشا ءبىزدىڭ باقشامىز قالا اۋماعىندا قالىپ قويدى. بەلگىسىز سەبەپتەرمەن جەر ۋچاسكەسىنىڭ يەسى وزگەردى. ياعني، ءبىزدى باقشامىزبەن، قۇرىلىس نىساندارىمىزبەن بىرگە ساتىپ جىبەردى. سول ۋاقىتتان بەرى ادىلدىككە قول جەتكىزۋگە تىرىسىپ كەلەمىز»، – دەدى جەرگىلىكتى تۇرعىن شاياحمەت حامراەۆ.

وسى ۋچاسكەنى بەرۋدىڭ بارلىق ءمان-جايىن انىقتاۋ جۇمىسى «جەر اماناتى» كوميسسياسىنىڭ شەشىمىمەن قالالىق جەر رەسۋرستارىن باسقارۋ دەپارتامەنتىنە جۇكتەلەدى.

«ءبىر اي بۇرىن شاياحمەت ماعان كەڭەس الۋعا كەلدى. ونىڭ ماتەريالدارىن زەرتتەدىم. بۇل سيرەك الما اعاشتارى ساقتالعان جالعىز باق دەپ ايتا الامىن. قازىر مۇندا حامراەۆتار وتباسى مەن «ەرمەساي» جشس-ءنىڭ ۋچاسكەسى بار. حامراەۆتار بۇل ۋچاسكەنى تالعار اۋدانى تۇسىندا الدى. اكىمنىڭ قاۋلىسى دا، كۋالىگى دە بار»، – دەپ اتاپ ءوتتى كوميسسيا مۇشەسى، زاڭگەر باقىتجان بازاربەك.

 وسى كۇنى پارتيالىقتار بۇرىن كامەنسكوە پلاتو اۋىلى ورنالاسقان مەدەۋ اۋدانى تۇرعىندارىنىڭ شاعىمدارىن تىڭدادى. 2014 جىلى بۇل جەر قالا اۋماعىنا قوسىلدى. جەرگىلىكتى تۇرعىنداردىڭ ايتۋىنشا، قالاعا قوسىلعاننان بەرى پروبلەمالار باستالعان.

«اق قايىڭ» شيپاجايىنان جوعارى بارلىق بەتكەي ۇساق ۋچاسكەلەرگە بولىنگەن. ءبىر كەزدەرى مۇنىڭ ءبارى شارۋا قوجالىعىنىڭ اۋماعى بولعان ەدى. سوسىن قانداي دا ءبىر «عاجايىپ» جاعدايمەن بۇل جەردىڭ بارلىعى جەكەمەنشىككە ءوتتى. ەڭ قورقىنىشتىسى – قازىر سالىنىپ جاتقان قۇرىلىس نىساندارى كەز كەلگەن ۋاقىتتا قۇلاپ كەتۋى مۇمكىن. بەتكەيلەردى نىعايتۋ ءۇشىن ارنايى باقتار وتىرعىزىلدى. وسىلايشا اۋىل شارۋاشىلىعىن جولعا قويىپ، قالانىڭ سيمۆولى – اپورت وسىردىك. كەز كەلگەن ۋاقىتتا وسى كوتتەدجدەردىڭ ۇيىندىلەرى  استىندا قالامىز با دەگەن قورقىنىشتا ءومىر ءسۇرىپ جاتىرمىز»، – دەيدى جەرگىلىكتى تۇرعىن ۆاسيليسا قۋانىشەۆا.

كوميسسيا مۇشەلەرى تۇرعىنداردى جاعدايدى جونگە كەلتىرۋ ءۇشىن بارلىق شارا قابىلداناتىنىنا سەندىردى.

«وسى جەر ۋچاسكەلەرىنىڭ قالايشا جەكەمەنشىككە ءوتىپ كەتكەنىن انىقتاۋ قاجەت. ونىڭ ۇستىنە بۇل ۋچاسكەلەر ىلە-الاتاۋ ۇلتتىق پاركىمەن شەكتەسەدى. الايدا پارك اۋماعىنا 2 شاقىرىم قاشىقتىقتا ەشقانداي قۇرىلىس نىساندارىن تۇرعىزۋعا تىيىم سالىنعانى بەلگىلى. ناقتى شارا قابىلدانادى. جەرگىلىكتى تۇرعىنداردىڭ ومىرىنە قاۋىپ توندىرەتىن زاڭسىز، رەتسىز قۇرىلىس جۇمىستارى توقتاتىلۋى ءتيىس»، – دەدى كوميسسيا توراعاسى، پارتيا حاتشىسى داۋلەت كارىبەك.

«جەر اماناتى» كوميسسياسى الماتىلىقتاردىڭ جەر ماسەلەسىن شەشەدى

سونىمەن قاتار، اماناتتىقتار ءال-فارابي اتىنداعى قازاق ۇلتتىق ۋنيۆەرسيتەتى اۋماعىندا بەلسەندىلەرمەن جانە قوعام قايراتكەرلەرىمەن كەزدەستى. زاڭسىز بەرىلگەن 1،09 گا جەر سوت شەشىمىمەن ۋنيۆەرسيتەت مەنشىگىنە قايتارىلادى. بۇعان قوسا، وسى ماسەلە «جەر اماناتى» كوميسسياسىنىڭ باقىلاۋىنا الىنادى.

«2017 جىلى ەسەپ كوميتەتى ءال-فارابي اتىنداعى قازۇۋ يەلىگىندەگى 1 گەكتار جەر ۋچاسكەسى جەتىسپەۋشىلىگىن انىقتادى. بۇل جەر 2017 جىلى اكىمدىكتىڭ قاۋلىسىمەن يەلىكتەن شىعارىلعان. وسى زاڭسىزدىق انىقتالدى. ۇيعارىم بار، مەرزىمى اياقتالدى، سوندىقتان قايتادان سوتقا بەرەمىز»، – دەپ قوستى باقىتجان بازاربەك.

جەر ماسەلەسىن جەدەل شەشۋ ءۇشىن قازاقستاندىقتار بۇگىننەن باستاپ بارلىق زاڭ بۇزۋ فاكتىلەرى تۋرالى «AMANAT» پارتياسىنىڭ «جەدەل جەلى» 8 800 080 44 41 تەلەفونى ارقىلى حابارلاي الادى.

وتىنىمدەر WhatsApp ارقىلى دا +77008004441 ءنومىرى بويىنشا قابىلدانادى.

«جەر اماناتى» كوميسسياسى الماتىلىقتاردىڭ جەر ماسەلەسىن شەشەدى

ۇقساس جاڭالىقتار

Back to top button