«AMANAT» Нұра су құбырының жөндеу жұмыстарын бақылауға алды

«AMANAT» Нұра су құбырының жөндеу жұмыстарын бақылауға алды

«AMANAT» партиясының мобильді қоғамдық қабылдау бөлмесінің мүшелері Ақмола облысының Егіндікөл ауданына барды. Тұрғындар бұған дейін партияның Атқарушы хатшысы Асхат Ораловтың азаматтарды жеке қабылдауы кезінде судың жоқтығына шағымданған еді.

​«30 жыл бойы су құбырының жиі істен шығуынан зардап шегіп келеміз. Соңғы кездері, тіпті ауыз сусыз қалдық. Партияның республикалық қоғамдық қабылдау бөлмесіне өтініш білдіргеннен кейін апат салдары жойылды», – деді Егіндікөл ауылының тұрғыны Светлана Гурбанова.

[caption id="attachment_187646" align="alignnone" width="1536"]

​Егіндікөл ауданына сапары барысында Мәжіліс депутаты, «AMANAT» фракциясының мүшесі Асқарбек Үйсімбаев жергілікті тұрғындарды су құбырын жөндеу бойынша қаражат бөлу мәселесі мен барлық жұмыс барысы партиялықтардың бақылауында болатынына сендірді.

​Сондай-ақ, «AMANAT» мобильді бригадасына тұрғындар ұялы байланыстың жоқтығы, аудандық аурухананың асханасына жөндеу жүргізу қажеттілігі және басқа да мәселелер бойынша жүгінді.