ەلوردادا قۇربان شالۋ ورىندارى بەلگىلەندى

قاسيەتتى مەرەكەنىڭ العاشقى كۇنى تاڭەرتەڭنەن باستاپ ەلوردا مەشىتتەرىندە ايت نامازى وقىلادى. بۇل تۋرالى قالالىق ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ ونلاين بريفينگتە ايتتى دەپ حابارلادى turkystan.kz.

9 شىلدە كۇنى قالا مەشىتتەرىندە ايت نامازى وقىلادى. نۇر-سۇلتاندا بەكىتىلگەن مال سويۋ ورىندارىندا قۇرباندىق شالۋ ساعات 8.00-دەن 18.00-گە دەيىن وتەدى.

مال سويۋ ءۇشىن مىنا ورىندار بەلگىلەندى:

بايقوڭىر اۋدانى بويىنشا:

«جايلاۋ» بازارى، الاش تاس جولى، س 313 كوشەسى («شارىن» بازارىنىڭ ارت جاعى);

  1. «شانحاي» بازارى، الاش تاسجولى، 34/6 («كوك بازار» بازارىنىڭ ارت جاعى);
  2. «شوپان اتا» بازارى، («رۋبيكوم» جانە ءامىر بازارىنىڭ ورتاسى);
  3. «باراكات» بازارى، ا 369 كوشەسى، №10 عيمارات.
  4. «شاۋشەن» شارۋا قوجالىعى، الاش تاسجولى، 136 ب;
  5. «تەمەش» شارۋا قوجالىعى، اينالما جول، 229، 1ا.

سارىارقا اۋدانى بويىنشا:

  1. «ۇلجان» امبەباپ بازارى، ن. تىلەنديەۆ كوشەسى، 24 (بۇرىنعى «سايانۇر» بازارى).

قۇرباندىققا سويىلعان مالدىڭ ەتى تۇگەلدەي الەۋمەتتىك كومەككە مۇقتاج وتباسىلارعا ۇلەستىرىلەدى.

«قۇربان ايت» مەرەكەسى كۇندەرى حالىققا قۇرباندىق شالۋ جانە تاعى باسقا دا ءدىني ماسەلەلەر بويىنشا اقپارات الۋ ءۇشىن تاۋلىك بويى «109» Call-center جۇمىس ىستەيدى.

ۇقساس جاڭالىقتار

Back to top button