نۇر-سۇلتاندا استانا كۇنىنە وراي وتشاشۋ بولمايدى

بيىل نۇر-سۇلتاندا استانا كۇنىنە وراي وتشاشۋ بولمايدى. بىراق قالانىڭ 24 جىلدىعىنا وراي كونتسەرتتەردەن باستاپ سپورتتىق فەستيۆالدەرگە دەيىن ونداعان ءتۇرلى ءىس-شارالار وتكىزىلەدى دەپ حابارلادى turkystan.kz ەلوردا اكىمدىگىنىڭ رەسمي سايتىنا سىلتەمە جاساپ.

استانا كۇنىندە قالادا بىرقاتار الەۋمەتتىك نىسانداردىڭ (كەزەكتە تۇرعاندارعا پاتەر كىلتتەرىن تاپسىرۋ)، زاۋىتتىڭ، سكۆەرلەردىڭ، قوعامدىق كەڭىستىكتەردىڭ، 80-نەن استام اۋلا اۋماقتارىنىڭ جانە ت.ب. اشىلۋى وتەدى.

سونىمەن قاتار وسى كۇنگە وراي قالانىڭ بىرقاتار ۆەدومستۆولىق باعىنىستى ۇيىمدارى كونتسەرتتەر، سپورتتىق تۋرنيرلەر، كورمەلەر جانە ت.ب. ۇيىمداستىرادى.

1-6 شىلدە ارالىعىندا «اتامەكەن» ەتنو-مەموريالدىق كەشەنىندە «ەلوردا پەيزاجدارى» اتتى ارت-كورمە جۇمىس ىستەيدى. بىرىككەن مۋزەيلەر ديرەكتسياسى مەرەكەگە وراي بىردەن بىرنەشە ەكسپوزيتسيا ۇيىمداستىرادى: 1-8 شىلدە ارالىعىندا – «ەل تىرەگى – ەلوردا» كورمەسى، 1-5 شىلدە ارالىعىندا – «كيەلى مەنىڭ ەلوردام» فوتوكورمەسى، 5 شىلدە كۇنى «الەم كارتاسىنداعى جاڭا ەلوردا» اشىق ەسىك كۇنى وتەدى.

4-6 شىلدە ارالىعىندا ورتالىق ساياباقتا «Mereke Street» قالالىق مادەنيەت فەستيۆالى وتەدى.

5 شىلدە كۇنى ساعات 19:00-دە فيلارمونيانىڭ كونتسەرت زالىندا «ءازىل الەمى» ءازىل كەشى ۇيىمداستىرىلادى. وسى ۋاقىتتا «استانا وپەرا» وپەرا جانە بالەت تەاترى «شوپەنيانا» جانە «شەحرەزادا» كۇمىس ءداۋىرىنىڭ بالەتتەرىن ۇسىنادى.

5 جانە 6 شىلدەدە «كوليزەي» سپورت كەڭىستىگىندە «وتان انا» مونۋمەنتىنىڭ جانىندا ستريتبولدان «Nur Sultan Cup» ءتۋرنيرى ۇيىمداستىرىلادى. 5-9 شىلدە ارالىعىندا «استانا بالەت» تەاترى «ورفەي جانە ەۆريديكا» بالەتىنىڭ پرەمەراسىنا شاقىرادى.

استانا كۇنى، 6 شىلدەدە ساعات 11:00-دە ترياتلون پاركتە «Elorda Tolqyny» سپورتتىق جارىسى باستالادى. وسى ۋاقىتتا «قازانات» يپپودرومىندا شاباندوزدار «ەلوردا كۋبوگى» ءۇشىن بايگە تۇرلەرىنەن باق سىنايدى. كەشكە، ساعات 21:00 – دە امفيتەاتر ساحناسىندا ۇلىقپان جولداسوۆ «اق قانات-اق قۇسىم» باعدارلاماسىمەن ونەر كورسەتەدى. ساعات 18:00-دەن 22: 00-گە دەيىن «استانا-ارەنا» ستاديونىنىڭ تۇراعىندا ءداستۇرلى Open air «حالىقپەن بىرگە» وتەدى. سول كۇنى كەشكە «قازاقستان» وكز «دوس-مۇقاسان» ءانسامبلىنىڭ شىعارماشىلىعىنا ارنالعان «دالام مەنىڭ» كونتسەرتى ۇيىمداستىرىلادى.

8 شىلدەدە امفيتەاتردا «مەن سەنى سۇيەمىن، مەنىڭ استانام» اتتى كونتسەرتتىك قويىلىم وتەدى. «بارىس ارەنا» مۇز سارايىنىڭ جانىندا 12 ساعاتتىق Open air «You Fest» شاراسىن وتكىزۋ 20 شىلدەگە اۋىستىرىلدى.

ايتا كەتسەك، استانا كۇنىنە ارنالعان ءىس-شارالار ماۋسىم ايىندا باستالدى. ماسەلەن، ەرمۇرات ۇسەنوۆتىڭ 70 جىلدىعىنا ارنالعان «ءومىر داستان» كونتسەرتى، ەرلەر مەن ايەلدەر اراسىنداعى بوكستان «ەلوردا كۋبوگى» حالىقارالىق ءتۋرنيرى، كورمەلەر، سونداي-اق ۇلتتىق دومبىرا كۇنىن مەرەكەلەۋ ۇيىمداستىرىلدى.

 

ۇقساس جاڭالىقتار

Back to top button